ياحرقة القلب .. وياحر جوفي ...(+18)

[3z]

مرحبا بكم اعزائي الاعضاء :22:

ولكم ليديز اند جنتلمان :22:

قررت اكتب هالموضوع بعد تفكير دام اسابيع او عشان ما اكون نصاب يعني هو اسبوع بس تعرفون اسلوب المبالغه لابد من التبهير :22:

وقبل ما ابدا بالموضوع تشوفون الرمز اللي بالعنوان صح ؟

رجاءا اللي تحت 18 يقضب الباب ولا يدخل من جد يعني منعا للاحراج لاني بخورها وبخثردز وبجيب العيد وبقول شين ماينقال ولو كلفني ذالك قرشعه وتهزيئ من نو نيم وكلبشه من المدير اطال الله في عمره لاكن اللي بقلبي مطلعه مطلعه الله لا يعوق بشر

وبعدين لو فكرنا من ناحيه ايجابيه بنلقى اني انفجر عليكم وتتحملوني احسن ما انفجر على ناس ما اعرفهم بالشارع وماعاد تشوفوني ... وبعدين منين تجيبون قروشه ؟ :(

مالي خلق احلف واشوت واعصب عشان المراهقين من جد يعني مواليدك من 1412وتحت اقضب الباب معنا للاحراج :22:

اما بعد ....

تتزاحم الكثير من الاسئله بمخيخي الصغير وكلها تريد الخروج للبحث عن الاجابه لاكن بأمكاني ان احصرها بسؤال واحد ويبدا يتشعب السؤال الا مالا نهايه

سـ - الى وين بنوصل بالانفتاح الاعلامي وجعل كل شي تحت كلمة (عادي) او (فري) ؟

اسئا الله ايام زمان ايام ماكان الواحد يستحي من ظلاله :(


عزيزي القارئ عشان اعيشك الموقف وحرقة القلب واعلمك الى اين وصل بنا الحال بصيغ لك الموضوع على شكل يوميات سعودي

تطلع من البيت متجه للصيدليه لاحضار شيئ ما

تقف امام الصيدلي وانت تحدثه فإيذا بفتاه خلفك تفوح منها رائحة العطر وترتدي (الكتافي واللثام) تمسك بحلاوة شعر وتقول بصوت عالي ( دكتور اي احسن هذي ولا هذي مع انهم كلهم يعورون وقت الشيل) <<قمة البجاحه وكأنها تحدث اختها

كـ رجل سعودي محترم يملأك الحياء تغض البصر وتتظاهر بعدم الاهتمام تكمل حديثك مع الصيدلي وإذا برجل يدخل ويقول (لو سمحت عطني كرتون سنافي وعازل ذكري بنكهة الشوكلاته) <<وكأنه يقول اعطني بندول وزيت خروع :(

تنصدم من هول ماوصل اليه البشر من قلة الحياء وتتذكر الماضي ايام كنا لا نستطيع ان نطلب ادويه مسهله من الصيدلي من شدة الاحراج وننتظر لتخلوا الصيدليه من الزبائن لكي نطلب حبوب مسهله او اي شيئ من هذا القبيل

تخرج من الصيدليه وتتجه الى بيتك وتجتمع مع عائلتك حول مائدة العشاء ويوجد على المائده اطفال ومراهقين وكبار

تنتهي الاخبار ويبدأ مسلسل السهره ولنفرض على سبيل المثال انه (الساكنات في قلوبنا)

ومع الاسف انه مسلسل خليجي ..

تشاهد المسلسل والاطفال الذين يتجاوزون الثامنه بقمة الانسجام

ويكون الحوار بين فتاه وشاب بأحد مواقع الدردشه :

الشاب: ياقمر عطيني وجه زين بس خذي الرقم ومتى ما اشتهيتي دقي

البنت وبعد الحاح شديد من الشاب : طيب يالغثيث هاته خلصنا

عدا يوم ويومين واتصلت باليوم الثالث وسارت العلاقه كما هو معروف لدى الجميع

تعارف ثم تضييع وقت ثم تعود ثم اعجاب ثم تعلق ثم حب ثم يبتسم ابتسامه خبيثه واخيرا وقعت بشباكي

فااصل ونواصل

ولا تزال العائله الكريمه منسمجه بالاعلانات

اولا اعلان (فياجرا) واحد الاطفال يسأل ماهذا (كالعاده بتنكب وتقول مدري وتغير المحطه)

اعلان اخر (اولويز يسعد لي ايامك) وتسأل الفتاه الصغرى (يمه وش هذا) (تتوهق الام وتتغير تعابير وجهها وتقول مدري قومي وانا امتس شيلي الصحون معي بس)


انتهى الفاصل وعدنا للمسلسل

تطورت العلاقه بين الشخصيتين الذي سبق ذكرهم الى مواعدات ولقاءات وخروج في اماكن مغلقه

وكما هو معروف واعتدنا عليه بكل المسلسلات يريد الذئب الشرس الشرير نهش فريسته واغتصابها

يبدأ بأستدراجها الى شقه مفروشه او منزل خالي ويبدأ بالاقتراب منها وهي تصرخ وتبعده وهو يقترب لينزع عباتها وفجأه يقطع احد اخوتك الصغار المشهد ويقول لك ( وش بيسوي بيذبحها) فـ تجاوب ( لا لا اسكت وشف )<<وش يشوف ياثور ؟ وش تحتري يعني غير خلاص :خايف:

يتصفق وجهك وتغير القناه وتعصب وتقوم

تغسل وتجيب لك قدحا من الشاهي وتجي تتكي على ام بي سي تو ولا يزال الاطفال ملازمين التلفزيون ولا راضين يفكونه

فلم يحكي قصة عاشقين رزقوا بمولود وعلى امل ان يتزوجوا قريبا << ؟

ماهوا تفسير الاطفال لهذا المشهد ؟



شطحه : تذكرت ايام الطفوله ايام ماكنا نقول ان الحرمه تاكل واااااااااجد بعدين يصير ببطنها نونو ويشقون بطنها ويطلعونه

بهالزمن مع الانفتاح والعولمه اسأل اي بزر فوق العشر سنوات شلون ماما يصير ببطنها نونو (بيبتسم بخبث ويقولك وش دراني انا اسأل ابوي) ماعاد فيه بزران ولا برائه والسبه هالغزوا الاعلامي والفكري اللي خرب عقول بزارينا :(





ولا تخلوا برامج الاطفال ايضا من تشويه صورة المسلمين وتغيير مفاهيمهم الاسلاميه الى غربيه منحطه تعتمد بكل شيئ على كلمه (فري)

الى اين يقودنا الغرب ؟ :(

من وجهة نظري لو اننا استمرينا على هذا الحال سوف نصبح مثل باقي الدول ونعتمد كلمة فري بكل شيئ من لباس وعادات وكلام ويقودنا الغرب الى مايحبه ويرضاه :(


وفجأه تشتت افكاري وتبعثرت كلماتي ولم استطع ان اكمل موضوعي ولا حتى اجد نهاية مناسبه

:(

الى كل من مر بهذا الموضوع ارجوا ان تتحدث عن هذه الكلمتين من وجهة نظرك (عادي , فري )


ولسان حال الموضوع يقول

اذا استحقيت التقييم فـ قيموني

واذا استحقيت القرشعة فقرشعوني :111:

[●za7fh●]

:1:


اوم الاحراج على الدعايات :52:



مشكلتنا التقليد :97::(
والمسلسلات الكويتيه :(
خربو ماكنهم خليجيين :(
واللحين كلهم نفسسسسس القصه
يجيك مليون مسلسل وكلهم قصه وحده :52:
واذا تغير حطو لهم ام حنونه وعاقله :111::(

اما الافلام مو شي غريب على مجتمعهم هذا :22:



اللحين خلاص احس انه صار عادي
كل شي انحفظ وش نغير وش نبدل :(
مثلا على قولتك قصه ومدري وشو وجا مقطع بايخ وغيرت القناه
اللي معك صغار عارفين ليش غيرت وعارفين وش بيصير حتى لو ماققد شافو المسلسل :22::بندر:


لو اننا استمرينا على هذا الحال سوف نصبح مثل باقي الدول ونعتمد كلمة فري بكل شيئ من لباس وعادات وكلام ويقودنا الغرب الى مايحبه ويرضاه :(:52:
هو صار وخلص
شوف الحركات واللبس والكلام شلون صاير !!
احس اننا بنصير مدري صرنا نسخه كربون من الدول :55:


لمتىآ بيستمر التقليد :22::(.؟

يعطيك الف عافيه خيو :ورده:

[at5m ω7∂ah]

اي واللهـ انك صاادق:( ..
التقلييد اعمى ـآآ ..
الله يخلف على ـآآ الشع ــب :خايف:..
مهزله ومسخره وقلة ادب :(..
يعطييك الــــف الــــف ع ــآأإآفيــهـ على المموزوع الي يصصف حآلنـآ:خايف:..
mr.قــروشــه:ورده::ق:

[No Name]

هولآ والله بالمواضيع الدسمه :66:
الذي يحتسي عن وآقع مرير أمرر أبو شي:خايف:
بعدين لآتخآف مهنآ قرشعه :واو:
لآن موضوعك منتآز منتآز :ورده:


أخي قرقر.. :ورده:

هي كلمة وحده يمكن تعبر عن كثير !
بعض العآلم فصخو الحيآء مهنآء حيآء
وأن لم تستح فآصنع مآشئت :)
سواءً عيآل ولآبنآت !
البنت صآرت ترفع صوتهآ عطني .......:25:....... مقآس .......:25:......
والشبآب اللي بالمحل تطير بوهتهم :52:
وقسم أرحمهم !:قامط:
تدري !!
كثير أسآل نفسي لو أخوي بمكآن هالشآب وشآف قليلة الحيآء هذي وش ممكن يسوي لهآ!!
الأجآبه معروفه :)
هو اللي بيستحي وهو اللي بيطلع برآ المحل !
كالعآده وزي مآنشوف دآيم
تجيك الوحده الصوت يلعلع وقلة حيآء وكآنو مآفيه بشر هالمكآن
طيب وين الحيآء وين الخوف من الله؟
طيب لآتخآفين على نفسك ! خآفي برضو ع الرجل الغريب اللي يسمعك
أبليس تآكي رجل ع رجل يوسوس لهآ الشبآب:111:
والا الدبشة الثآني أجل يبي حبوب منع حمل وحآجآت موش كويسه:25:
يآخي يحرم أمك أقصر صوتك
يآمذكر يآرجل يآعآقل يآبآلغ
محد أعرس بالحيآة غيرك !!
سلآمآت يآعيآل ..صدز والله
قسم باللهي أشيآء ومنآظر توجع التسبد
لكن عن جد مآتلآحظ شي قروشه!!
هالشي هذآ بدآ يسيطر ع الكل بس بدون مآيحسون
يآخيي الشعب أحس أنه مخدر مبنج !
صآر مآيهمه شي ! ولآيستحي زي زمآن ع قولتك
كلن يبي يخلص حآجته ويمشي !!
تدري انو برآ اللي تحت 18 لهم دستور كآمل !!
وأنظمه وقوآنين وعقوبآت ومدري ايش حووووسه كثيره
يآشيخ أحد الأنظمه اللي أعرفهآ أذا حب الرجل يشترك بالقنوآت الأبآحيه
الشركه تفرض عليه شروط
اذا عندك قُصر بالبيت معصي !!:66:
يعني .. اذا عندك اقل من 18 انسى تجيب الكآرت هذا او القنوآت هذي !
صحيح دشير و أوبن مآيند وكل أبو شي عندهم
بس ترى فيه نظآم وفيه عقوبآت !!
أحنآ أخذنآ الأوبن لكن من غير عقوبآت :(
ولا المسلسلآت الهآبطة اللي جالسين نشوفهآ واللهي لاقصة ولا اخراج
ولا فآيدة منها ليش القنوات جالسه تتذآبح ع هالمسلسلآت مدري ليه!
طبعآ مايهمهم اهم شي الربح المآدي ! بالطقاق عيآلنآ الصغار
وع طاري ساكنات في قلبونآ يآشيخ الله لايوفقهم على هالتعب اللي تعبوه
وهالاسلوب المنحط ياشيخ هذي المسلسلات يآشيخ هذي كآبريهآت مو مسلسلآت وكأن الشعب الخليجي منحط
ماهمه الا يغآزل ويرقم وشسموه آيه ., وعلى بآل أومهم يحآربون الرذآئل
هذي جالسه تعلم المرآهقين ع طبق من ذهب كيف يمآرسونهآ..!
قمة في الفشل والأنحدآر وحالتنآ من سيء لآسوء بسبة الأعلآم
الله يرحم زمن القناة الاولى والثانيه قسم ياليتنا نرجع مثل أول !!
تحيه مني لتلفزيون السعودي اللي الى الأن محآفظ ومتمسك بالأخلآق والمبآدئ :ق::ورده:
مستر قروشه قروشتني وأوجعن رآسي من كثر مآتحمست والكيبورد يشكي
يعطيك الف عآفيه موضوعك جدآ رآئع وكثر لنآ من كذآ <~ سآندوتش! :ضحكـ:

تقييم + تثبيت :ق::ق:

[ناويتها نيه]

موضوع بالصميم

فعلـآ اعلامنا بدأ يغزونا فكريـآ وحن ياغافلين لكم الله

احيانن لمن نجي نحسبها ونقلبها نلاقي نفسنا حن ماصرنا نستحي :22:

ولمن يجي احد يقولنا شيء نقول خليك فري :(

يعني زمـآن كنت اقلب القناه .لاجاء مشهد مخل بـ الاداب اغير القناه
. هالحين ماأكلف على عمري ولا أقلب مجرد ماتبدأ لقطه بتجي اشوف اخواني قلبو روسهم على الجهه الثاني :52:

طيب بعد ماصار شيء بينهم صح انه بيصير بس ماصار :52:

خـلـآص صارو فاهمين البير وغطاه ... واحسن مني ومنك بعد

اذكر سنوات الضياع يوم ولادت لميس نشبت مع اخواني وهم يسألون وشلوون ولدت وماشقو بطنها :( :وهـ:

حتى الساكنـات انا اشوفه مسلسل فاشل رغم اقبال الناس عليه فتح عيون عيالنا على اشياء ماكانو يشوفونها

لا وينتظرونها ويسلسلوونها بعد :( .. واحسـافتـآآه :(

اذكر زمان كنا نتفرج على افلام كرتون

هالحين اخواني الصغار لاطبيت عليهم الاقيهم حاطين روتانا سنما او على قنوات الشوتايم

حتى ام بي سي ماصارت تملي عينهم :52:

ماعاد فيه شيء اسمه براءة اطفــــال .. عهد البراءه ولى وراح والله يستر على الاجيال الجديده

والسبب والغلطانين الاهل المفروض مثل هالقنوات يقفلونها بـ ارقام سريه

بس صرنا فري وعاطينهم حريتهم لأخر درجه وفاتحين لهم القنوات طبيعي يتمادون ويروحون للقنوات الثانيه

الاعلام فيه ايجابيات وسلبيات مثله مثل اي شيء غيره

والاهل هم يحددووون وشلون يستخدمون هالتقنيه

بعدين مسآلة السوق والمقاسات والله ياحن نعاني بصراحه

انا من وجهة نظري المفروض يلزموونهم ويصير شيء اجباري تكون الفرووع نسائيه

حتى الرجل بالله لو احد سأله وش يقول انا موظف بنعومي ولا لاسنزا :وهـ: ؟

حتى صار فيه تطاول وتعدي من الموظفين

لدرجة احيانن يقولك لا ذ1 مو مقاسك ذ1 مقاسك :52:

وش دخلك ياخي انا ادرى بملابسي الداخليه


قمة الوقـآآحه .. صار السووق مصخره بدل تقضية مستلزمات






***** <<<---- تستاهلها :111:

[كَـ رتَ آحــَمَـر .]

وانت شفت شي :(
ياعزيزي الوضع صار مافيه تقليب قنوات انا اعطيك سالفة صغيرة
مررة كُنا بإستراحة شباب ونشووف فيلم كان البطل عادل إمام :وهـ::111:
وجات لقطات نص كووم :12:
الوكاد عندنا واحد ياجعله الجنة انسان يستحي قوووه اذا شاف مثل هل الشي
الولد انقلب الوان :1::ق:
انا نظراً لحالته قلبت القناة فجا واحد يطامر يقووول ورااه ياخي تراه فيلم
دايم اذا جلست انا وابوي وامي وخواتي عاادي نشوفه ولانقلب القناة ولا شي :(
حتى الأفلام الأجنبية وقال بصوت عالي تراااه تمثيل ياخي وش فيك انت
انا وجهي صار كذا :خايف:
خلاص الحياء انتزع من البعض انتزاعاً والحالة صارت مأساوية للإسف ..
الفضائيات لاعبه دوور كبير ومؤثر والصحبة السيئة ايضاً
موضووعك بطل وطرح ولااروع
لك :ورده:

[سكرانه]

مرحبا بكم اعزائي الاعضاء :22:

ولكم ليديز اند جنتلمان :22:

قررت اكتب هالموضوع بعد تفكير دام اسابيع او عشان ما اكون نصاب يعني هو اسبوع بس تعرفون اسلوب المبالغه لابد من التبهير :22:

وقبل ما ابدا بالموضوع تشوفون الرمز اللي بالعنوان صح ؟
ابسوي نفسي ماسمعت شي


الحين ماجابلك الفكره وما علمك عنها الا انا وتقوم وطلعني <<كف +برا
هع ترى امزح <<مشكلت الواحد اذا ماعرف يمزح

رجاءا اللي تحت 18 يقضب الباب ولا يدخل من جد يعني منعا للاحراج لاني بخورها وبخثردز وبجيب العيد وبقول شين ماينقال ولو كلفني ذالك قرشعه وتهزيئ من نو نيم وكلبشه من المدير اطال الله في عمره لاكن اللي بقلبي مطلعه مطلعه الله لا يعوق بشر

وبعدين لو فكرنا من ناحيه ايجابيه بنلقى اني انفجر عليكم وتتحملوني احسن ما انفجر على ناس ما اعرفهم بالشارع وماعاد تشوفوني ... وبعدين منين تجيبون قروشه ؟ :(

مالي خلق احلف واشوت واعصب عشان المراهقين من جد يعني مواليدك من 1412وتحت اقضب الباب معنا للاحراج :22:
اح اي شوي شوي طيب لاتدف بقوه <<وش تبي هاذي



اما بعد ....

تتزاحم الكثير من الاسئله بمخيخي الصغير وكلها تريد الخروج للبحث عن الاجابه لاكن بأمكاني ان احصرها بسؤال واحد ويبدا يتشعب السؤال الا مالا نهايه

سـ - الى وين بنوصل بالانفتاح الاعلامي وجعل كل شي تحت كلمة (عادي) او (فري) ؟

اسئا الله ايام زمان ايام ماكان الواحد يستحي من ظلاله :(


عزيزي القارئ عشان اعيشك الموقف وحرقة القلب واعلمك الى اين وصل بنا الحال بصيغ لك الموضوع على شكل يوميات سعودي

تطلع من البيت متجه للصيدليه لاحضار شيئ ما

تقف امام الصيدلي وانت تحدثه فإيذا بفتاه خلفك تفوح منها رائحة العطر وترتدي (الكتافي واللثام) تمسك بحلاوة شعر وتقول بصوت عالي ( دكتور اي احسن هذي ولا هذي مع انهم كلهم يعورون وقت الشيل) <<قمة البجاحه وكأنها تحدث اختها




هاذي سلمك الله لو معه ابوها ولا اخووها ماقالت هالكلام ولا تكلمت بعد ونزلت راسه وهيي تتكلم
من جد بنات مدري وش يحسون فيه
اشوفها تكلمت عند اخوها ولا ابوها بالبيت بهالكلام

كـ رجل سعودي محترم يملأك الحياء تغض البصر وتتظاهر بعدم الاهتمام تكمل حديثك مع الصيدلي وإذا برجل يدخل ويقول (لو سمحت عطني كرتون سنافي وعازل ذكري بنكهة الشوكلاته) <<وكأنه يقول اعطني بندول وزيت خروع :(





هاذا يقاله انا تراني متزوج وصرت امر وانهي على كيفي
واذا تروجت عادي ينفصح الحياء عندي
ودي انا اساله بس احساسه بالحظه وهو يسال وشو




تنصدم من هول ماوصل اليه البشر من قلة الحياء وتتذكر الماضي ايام كنا لا نستطيع ان نطلب ادويه مسهله من الصيدلي من شدة الاحراج وننتظر لتخلوا الصيدليه من الزبائن لكي نطلب حبوب مسهله او اي شيئ من هذا القبيل





اي والله صدقت شي يشب الكبد
لاه الحين عادي البنت من قلت حياها تتكلم بكل شي عند اخوها ابوها ولد خالتها
وش يحسون
الواحد يستحي على دمه شوي
وبعدين على قولت فري هاذا موب فري اللي تسال عن الحلاوه واللي ببي حبوب







تخرج من الصيدليه وتتجه الى بيتك وتجتمع مع عائلتك حول مائدة العشاء ويوجد على المائده اطفال ومراهقين وكبار

تنتهي الاخبار ويبدأ مسلسل السهره ولنفرض على سبيل المثال انه (الساكنات في قلوبنا)

ومع الاسف انه مسلسل خليجي ..



انا صراحه ما احسه مسلسل احسه يطلع صوره عن المجتمع السعودي وفكره شينه ويساعد الشباب على الاشياء اللي يسوونها ويطلعون بعد لهم افكار
مو بس الشباب حتى الحريم بعد








تشاهد المسلسل والاطفال الذين يتجاوزون الثامنه بقمة الانسجام

ويكون الحوار بين فتاه وشاب بأحد مواقع الدردشه :

الشاب: ياقمر عطيني وجه زين بس خذي الرقم ومتى ما اشتهيتي دقي

البنت وبعد الحاح شديد من الشاب : طيب يالغثيث هاته خلصنا

عدا يوم ويومين واتصلت باليوم الثالث وسارت العلاقه كما هو معروف لدى الجميع

تعارف ثم تضييع وقت ثم تعود ثم اعجاب ثم تعلق ثم حب ثم يبتسم ابتسامه خبيثه واخيرا وقعت بشباكي

فااصل ونواصل

ولا تزال العائله الكريمه منسمجه بالاعلانات

اولا اعلان (فياجرا) واحد الاطفال يسأل ماهذا (كالعاده بتنكب وتقول مدري وتغير المحطه)

اعلان اخر (اولويز يسعد لي ايامك) وتسأل الفتاه الصغرى (يمه وش هذا) (تتوهق الام وتتغير تعابير وجهها وتقول مدري قومي وانا امتس شيلي الصحون معي بس)






مير خصوصا ال ام بي سي معليييييييييييييييييييش وبقوه
مدري وهم يصورون وش يحسون فيه
طيب سو دعايه بس بحدوود موب تكب العشاء <<تحمست





انتهى الفاصل وعدنا للمسلسل

تطورت العلاقه بين الشخصيتين الذي سبق ذكرهم الى مواعدات ولقاءات وخروج في اماكن مغلقه

وكما هو معروف واعتدنا عليه بكل المسلسلات يريد الذئب الشرس الشرير نهش فريسته واغتصابها

يبدأ بأستدراجها الى شقه مفروشه او منزل خالي ويبدأ بالاقتراب منها وهي تصرخ وتبعده وهو يقترب لينزع عباتها وفجأه يقطع احد اخوتك الصغار المشهد ويقول لك ( وش بيسوي بيذبحها) فـ تجاوب ( لا لا اسكت وشف )<<وش يشوف ياثور ؟ وش تحتري يعني غير خلاص :خايف:

يتصفق وجهك وتغير القناه وتعصب وتقوم




لا هين ياليت اسئلتهم كييذا
طال عمرك الحين يفهمون اكثر منك ويقولون المسلسل وش بيصير قبل مايشوفونه







تغسل وتجيب لك قدحا من الشاهي وتجي تتكي على ام بي سي تو ولا يزال الاطفال ملازمين التلفزيون ولا راضين يفكونه

فلم يحكي قصة عاشقين رزقوا بمولود وعلى امل ان يتزوجوا قريبا << ؟

ماهوا تفسير الاطفال لهذا المشهد ؟


شطحه : تذكرت ايام الطفوله ايام ماكنا نقول ان الحرمه تاكل واااااااااجد بعدين يصير ببطنها نونو ويشقون بطنها ويطلعونه








يووووه يازين ايام اول
لا وين يجاوبونك
اذا سالت يقبصونك ويقولون عيب هاذا الكلام خلك اسمعك بس تعيده
اذا ها ها متفتح يجابونك خخخخ






بهالزمن مع الانفتاح والعولمه اسأل اي بزر فوق العشر سنوات شلون ماما يصير ببطنها نونو (بيبتسم بخبث ويقولك وش دراني انا اسأل ابوي) ماعاد فيه بزران ولا برائه والسبه هالغزوا الاعلامي والفكري اللي خرب عقول بزارينا :(




اي والله بهاذي صدقت
ويمكن بعد يعرفون اشياء اكثر منك
بس وش تسوي
اذا مافيه رقيب ولا حسيب بيرووحون فيها البزارين
انت بيدك تقدر تمسك بزارينك وبيدك تخليهم ينحرفوون
انا صراحه اييد يعطون دروس للابآآء والامهات في التربيه
<<تجيك وحده عمرها 17 عندها بزرين
والترببيه من جهه وهي من جهه
انا ما اقول كل البنات قليل منهم
الاهل وش اهم شي عندهم انا تعرف ترضع البزر وتغيرله وتعووده ع الحمام
<<اعرف اعبر انا
ولا يجيك ام بي سي ثري
هاذي قنات تصلح للكبارين على افلامهم وبلاويهم
واول شي اللي بنقاله توم وجيري
فيها ترى حقها لا تحقرونها







ولا تخلوا برامج الاطفال ايضا من تشويه صورة المسلمين وتغيير مفاهيمهم الاسلاميه الى غربيه منحطه تعتمد بكل شيئ على كلمه (فري)

الى اين يقودنا الغرب ؟ :(

من وجهة نظري لو اننا استمرينا على هذا الحال سوف نصبح مثل باقي الدول ونعتمد كلمة فري بكل شيئ من لباس وعادات وكلام ويقودنا الغرب الى مايحبه ويرضاه :(






اي ياحليلك على البنات اللي برا
تجييك عمتي طلاله لابسه عبايه ع الكتف <<هي زينه بس بحدوود
والنقاب الجديد الوسيع اللي نص الفيس طالع
وتقول للشباب لا تلاحقوني
حلوه هاذي
اذا انا وانا بنت انجذبت وخقيت وشلون العيال <<وش جابها لموضوعنا الحين
هع






وفجأه تشتت افكاري وتبعثرت كلماتي ولم استطع ان اكمل موضوعي ولا حتى اجد نهاية مناسبه

:(

الى كل من مر بهذا الموضوع ارجوا ان تتحدث عن هذه الكلمتين من وجهة نظرك (عادي , فري )


ولسان حال الموضوع يقول

اذا استحقيت التقييم فـ قيموني


واذا استحقيت القرشعة فقرشعوني :111:

فـــــ:ق:ــــديت قلب خشتك :ورده:
موضوعك جووناآآآن ومااره حلو صراحه وجايبها ع الجرح وفي الصميم
الله مير يكثر من امثالك يارب
والله يرزقك ببنت الحلال اللي تنسيك الدنيا ولا تشغلك الا بطاعت الله
وياجعلك ماتذووق غير الهنا بحياتك يارب
وعسى السعاده ماتفارق حناياك <<نجمع عجاايز
بس والله احسها دعووات تبرد التسبد

من جد مدري وش اقول صراحه يخوني التعبير على موضوعك
يعطيك الف الف الف عاآآفيه يارب:ورده::ورده:

ترى ماطولت ابد :12:

[عاليـ مستواهـ]

:(

شئ يخوف والله ..

كل هذي الامور في نظر الكثير من الشعب صارت عادي .. وفري على قولتك..

حتى الاهل ما صاروا يهتمون فيها لما يشوفونها مع بزرانهم ومراهقينهم ..

ولما تعاتب الاب او الام .. يقولك العالم تطورت وهذي مافيها شئ:(

اااه يا اهل زمان .. والله ان تتمسط بالعقال لين تقول امين :22:

لا وعلى قولتك وش يصير بالصيدليه :ضحكـ:

ياعمي والله شئ وعايشته حتى بالمستشفى عندك .. الوحده تجيك وتقول عندي كذا وكذا .. واصلا تعرف انك مو انت اللي مسئول عن حالتها .. بس عادي بتقولك .. والواحد قسم مايدري وين يودي وجه:97:


خلها على ربك... الاعلام وما يصلنا من هالقنوات خلى هالفكر ينتشر .. وهالاشياء تصير .. وكانها شئ عادي وفري..

قروووشه احلى تقييم:مستحي::ورده:

[ريال مشقوق]

عزوز موضوع في الصمييم وقسم :(
كل مآلنآ في آنحدآر وكله تحت مسمى التطور :(
لله يلعن هـ التطور الي كذآ :(
على طآري الصيدليه تعرفني آنسآن مودب ومآعرف الاشيآء الموش كويسه :(
رحت آودي آبوي الصيدليه يقيس ضغطه وهو جآلس ع الكرسي وآنآ وآقف جنبه وقدآمي طآوله عليهآ شي يلمع
شكله حلو شدني لعبت فيني الشفآه وآروح وآخذه وآقعد آقرآه وآنصدم من الي مكتوب عليه توقع وش طلع :(
وآقي ذكري :111: وآسوي يعنني مآسويت شي وآرجعه وآلتفت على ابوي وآشوفه يخزني وجهي غدآ تسنه طماطه :22::مستحي:
وآنآ نيتي سليمه يعلمه لله :(:22:
زميلي عزوز مهمآ تكلمنآ فيه بعض المخوخ المحجره الي مهمآ تتكلم يعتبرونك جآهل وتحآرب التطور :(
وسبب هـ المشآكل كلهآ التلفزيون لله يآخذه مآغير متسدحين عنده نسوآنآ وبزرآنآ هذآ آكبر خطر :خايف:
وعلى طآري دعآيآت كله كوم ودعآيه سنآفي كوم الي فيه قوآطي ومزآزآت :12::(
آستآذي عزوز آشكرك ونفع لله بك الامه العربيه والاسلآميه :ورده:

[ᵐ ᶠ ᵅ ʰ ᵉ ᵅ ʰ]

شوف انا تحت الـ 18 بس مايخالف عقلي اكبر مني
وهالموضوع من زمان في بالي والله
الأطفال صارت عندهم البراءة معدومه
لدرجة ان البنت ذات الـ 8 سنوات تسولف هي وصديقاتها فيه ويقولون عادي نتناقش <~ وش تتناقشين يالتلسه عيب

وربي موضوعك في الصميم وتستاهل تقييم
وانا ودي اروح اكفخهم
والأحراج الأكبر اولويز عاد الله أولويز + بزران (خاصة اولاد لأن البنت بتعرفها يعني)+احرااج بالسؤال ياربيه وشذا احراااااااااااااااج قمه في الأحراج
والله ماخربنا الا التلفزيون <~ راحت تصيح :(
ودي اسكر هالقنوات
والله تنفع تصير داعيه ياقروشه
مشكور قروشه موضوعك في الصميم وربي
لو كان ماودك تخلي ردي لأني بزر :ضحكـ: عادي قرشعوه

[[e7şάş..♪]

موضوع مهم جد..
وش آسمه آيه آجل mbs 3 جلعهم آلمرض يعلمون آلمبزره كيف آلصليب وصلآتهم..
ولآ قنآت فنون آلظآهر يقومون يحرفون من آلحديث:(:خايف: مآهذآ آلغزو آللي صآر :52: آنآ آحس آلدنيآ خربت بشكل ..:خايف:
وآنت توك مآشفت شئ آلجيل آللي بيجي آردى وآردى آذآ صرت آنت آبو آو جد بتشوف كيف آلدنيآ بتنقلب وخآصه آلخليج ...
وحتى مسلسلآتنآ خربت آول آلوحده مآتلبس كت (عآري يعني :22:) آلحين تلبس توب ولآ سيور وشورتآت وتنآنير نص آلفخذ <من زين آلآجسآم عآد :52: وآخزيآه قدآم رجآل وبس تجلسس تخمخم بآلرجآل يآوجه آسستح :(
وكل آلمسلسلآت مثل بعض وكلهآ آغتصآب وتحرش وطلآق وزوآج ووآخ بس :( وآلله حرآم بزرآنآ يشوففون :(
وآذآ على آلسآكنآت هذآ بلوى من جد صح يحكي قضآيآ منتشره بسس آلبزرآن يشوفونه وهذآ عيب وبيفتح عيونهم على شئ مآيعرفونهآ ..

ولد خآلتي توه صغير ويآ هالبزر فيه خبث توه بآولى ويآ آنه سكني ويعرف كل شئ وينآظر حتى بخبث:(:( آذآ تكلمتي بشي آو يعني كيذآ:وهـ:
يقوم ينآظرك ويضحك ويقول آيه آيـه ترآ آعرف :66: <<:(:خايف::52:
وآلله آني آرحمه :( توه على هالأشيآء مستقبله آلله يعينه لآزم نلحق عليه:(آذكر يوم آني كبره وآلله مآكنت آفهم شئئ ولآ آدري فيه شئ كذآ من جيت بآلمتوسط بديت آعرف شوي:وهـ: سمعت نآس تتكلم وعرفت:66: وآلحين بآولى يفهمون آكثر مني:52::خايف: آلله يعين يآرب ويهدينآ :مستحي: ويصلح مبزرتنآ آلجيل آللي بيجي:خايف:
تسلم على آلموضوع آللي بالصميم :22:
وترآ عمري 18 عآدي صح بآقي كم شهر وآدخل آلـ19 :وهـ: :22:

[B a r o f a t y]

اجل تحت الـ 18 لايدخلون :111:

اقص يدي اول من دخل هالموضوع هم اللي تحت السن القانوني :111:

يازين ايام الخوالي بس :(

اللحين ما عاد فيه بزران بتاتا البته :52:

ويازين الساكنات في قلوبنا :52:

اللحين اللي جايبين الطامه المسلسلات التركيه حسبي الله عليها :(

مابقا شئ اللي فتحوا عيونا عليه والمشكله الكبار مايشوفون هالمسلسلات المبزره هم اكثر شئ :(

مافيه برائه اببد هالايام الكل خبيث ومن تحت لتحت خاصه المبزره :111:

احسسسن حل والحل عندي اذا تزوجت ياقروشه لا تحط تلفزيون في بيتك الله يسلم دش المجد لو تبي تلفزيون :111: :ق:

لايصيرون عيالك ضحيه هالزمن المتفتح المخيس :(

انا باخذ عيالي وبنجلس بروحنا بالمريخ اخليهم يعيشون طفولتهم البريئه بسسسلاااام :111::ق:

المشكله كبييره والكل حاس بالمشكله ومطنش الا من رحم ربي :مستحي:

البيت اللي فيه بزران يشفرون لهم القنوات ويحطون لهم قنوات الكارتين

والتلفزيون خاص بالام والابو

هذا الحل برايي مافي حل غير كيذا :(

يعطيك العافيه على طرح الموضوع :ورده:

[طالعه القمر]

قروشه وقسم أنك فخم أحييك ع الموضوع :ق:

ومال أمك داعي جالس تفكر تنزلوه والا لا

المفروض من طرا على بالك نزلته:22:

لاتفكر مره ثانيه نزل على طول :واو:

وبالنسبه للعمر فوق 18 يعني مسموح اناقش بالموضوع الكويس هذا :اح:

شوف بالنسبه لكلمة فري وعادي صايره مثل الجدار كل شي يعللونه بالكلمتين هاذي
تقول انها قال تعالى والا قال رسوله ويكرم كلام ربي وحبيبي:ق:
بس أكثر شي مخلي الناس تقول بخلاط مايدرون وش الي داخل عليهم
كثر مايشوفون من بلاوي صار اي شي يصير عادي ماينكرونه ويتقبلونه
وكله من التلفزيون والنت وخصوصآ المسلسلات التركيه وماشابهها اول مكسيكيه ويحكون لغه عربيه ماتشد الجميع
الحين الي يحكون شامي وقسم أكثثثثر من يشوفهم مبزره ليته مراهقين وبس مخهم ملياااااان من عاداتهم وعلمانيتهم
تذكر الله وتزني وتحمل وتسقط وتحمل واذا قربت تموت اعرست بالحلال :111:
ام بي سي والله ماسوت خير يوم طيحة الخلق فيها :97::97:
وعاد شف قنوات الأطفال <<بالأسم فققققققققط:خايف:
وقسم المفروض كل قنوات الأطفال +16 الا مارحم ربي خصوصآ ام بي سي 3 يافيها بلاوي للمبزره:97:
يالله سترك بس لو بيحكي الواحد من اليوم الا بكره ماخلص بس كل هذا يرجع على الوالدين ووضع حدود لأبنائهم
في كل شي موعيب نتفتح ويصير عندنا كل شي عادي وفري بحدود دينا أخلاقنا عادتنا عرفنا وبدون تجاوز :ق:
عمر الدين ماوقف أمام التطور بس وين الي يطبقه صح :(
بس طوطو :وهـ:

يعطيك ألف عافيه لك :ورده:

[B U R A Y D H]

:اح:
تسيف اني استحيت :اح:
صراااحه موووضوعك حلو وصريح
يؤيؤ لما تجيك وحده مثل مس مشااكل "اختي" وتسئلك
وشلون الحرمه تحمل؟ :وخر: :واو:
أنا : اذا الله كتب له حمل حملت<<اقالي اقنعته :1:
مس مشاكل : ادري بس شلوون تحمل؟<< والله البنت مدرسه بس تبين اعترف مير تبن بوجه :ضحكـ:
ترا مس مشااكل برابع ابتدئي << هذا الي قااهرني انها صغيره

مشكور قروشه على طرحك المميز لان فعلاً الحييين كل شي فــــري

:ق:

[الهيصة المحبوبة]

مشكور على الموضوع الجميل

[العصلاء]

ممممم انا عمري 18 بس باقي نص شهر وادخل الـ 19
يعني ينفع ارد...:66:
بصراحه ياقروشه اهنيك على عقلك الخطيرر..:1:
المووضووع جاء بوقته..
(فري..عادي)>>هذا البلا والله..
الشعب أحس أنه مخدر مبنج !>>من جد والله..
كل شي الحين الحين صار فري..
انا احيانا لما ماتعجب امي تصرفاتي..بالبيت طبعا
قلت يوووه احنا الحين بـ2009
انا موب قصدي شي بس لان الزمن بجد تغير
وكل شي صار عااادي...
ومن ناحية الحياء>>انا اشهد انوو بـــح
الا ما قل..
بصراحه مدري وش اقوول بعد..
كثير مواقف شفتها..
بس ما اقوول الا الله يهدي الجميع...


قروووووشه موضووع وربي خطير واحس
انو عندي كلام وااااجد للإعلام بس تقفل مخي الحين..:97:

لي باااااااااااااااك ...:ورده:

[| Z Σ я O ~]

حَآل مُخزِية تلكَ التي آلت إليهَآ حَآلنآ :( !

لَيسَ السَبب قِلة الحيَآء فقط ..
تدخُلُ فِيه عوآمل كَثيرة ..
أهمهآ و أولهآ قِلة الوَآزِع الدِيني !!
التَربية ..
التَعليم ..
تأجج الشَهوآت
وو للأسِف الإعلآم فِي دَعم مستَمر للشَهوآت !


عوآمِل كَثيرة اختَلطت لتُنتِج هذآ العَفن و هذه التَصرفآت اللآأخلآقِية ..

لآ تبدأ بآلتقليد الأعمى و لآ تَقتَصر على إهمآل سنن الإسلآم مِنْ زَوَآج مُبَكر و التسَتر و لآ تنتهِي بآلإعلآم العَفن !

الحمد لله فِي الإعلآم مآ زآل هنآك أنآس يتقون الله :ق: !
و كَثير من القنوآت إسلآمِية بَحتة ..
و بَعضهآ محآفظ !

فِي أغلب القنوآت يُقدّم الغث و السَمين ,.
و جهآز التحكم بيدك !
فلآ تَضعوآ اللومَ كآملآ على الإعلآم !


اتقوآ الله فِي أبنآءكم !
مسلسَل السآكنآت في قلوبنآ / أسوآر / و العديد العديد ..
لآ تدعوآ الصِغآر فيكم يتآبعوهآ بأي شَكل !
لآ تقولوآ : ( أمنعهم بِيشوفونهآ عند غِيري ) !
اعمَل مآ تقدرُ عليه ..
و اتركِ البَآقِي على ربّك :)

قنآة الـ mbc بجميع إصدآرآتهآ محذوفة مِنْ جهآزنآ :ورده: ..
مآ عدآ العآمة .. مغلقة برقم سِري .. :ورده:
لآ تُفتَح إلآ لـ لمسلسل 37 :ق: ..
حتى تِلك اللعينة الموجهة لأطفآلنآ ..


نحن نَترك الحَبل على الغآرب .. ثُم تَقع الوقآئع فنولول :( !
منْ البدآية يَجب أن نَزرع فِيهم فضَآئلَ الأخلآق !
الدور التربوي للأطفآل انمحى !
في سنهم الصَغيرة نَستَطيع زَرع لبفضَآئل .. ليربوآ عليهآ :ق: !
الأب لو يَعد يهتم حيآل أبنآءه سوى بجمع المآل و توفير الحآجيآت !
و الأم اقتَصر دورهآ على الطبخ و أعمآل التنظيف هذآ إذآ لم تتفرغْ للتلفآز و القِيل و القآل !!


( جَدي الله يرحمه كآن يعلمنآ عن أبوه , يقول مَرة و هو صغِير مِسكه و أشّر له على طَيآرة بآلسمآ , قآل : شِفت هاللي يسوق هآلطيآرة بآلسمآ .. ؟ ترآه يدور أكله ! جَدي يقول بَس قصِيت التآبعية و سآفرت أدور رزقِي ! و مَآت و هو يوصِينآ بآلعمل و عدم التكآسل ! )

الكَلآم بمآ يحمله من مَعنى يُزرع دآخل الطِفل فيؤدِي أُكُله ..


قَروشة :مستحي: ..
لقَلمكَ / لروحِك / لفكركَ / لغِيرتكَ / لحيآئكَ .. أعذبُ تَحية يآ أخي :ق: !
صُغت مَوضوعآ فأبدعت !
لآ هُنت :ق:

[ᵐ ᶠ ᵅ ʰ ᵉ ᵅ ʰ]

معليش برد مرة ثانيه :111:

احمد ربك اننا مو مثل الكويت او من هالبلدان لا زلنا بلاد محافظه قدامهم ترا :12:

بس اللي زعلني مررة

يوم اني قريت في موقع من المواقع وحده كانت كاتبه موضوع ان واحد كان كاتب حقارات و هالأشياء اللي المفروض ماتنكتب وتقول انا اكثر شي زعلني انه سعودي :(

والله انا بعد زعلت وضاق صدري يوم قالت انه سعودي

بعض السعوديين والسعوديات وغيرنا من دول الخليج حقيرين لدرجه

يعني الخليجيين بشكل عام لو يبغون يسوونها نقزوا عند شغالتهم
والخليجيات عند سواقهم
واسفآآآآه واسفآآآه
انتم ياللي كذا حرام عليكم اسم مسلمـ/ـة ايه والله حرام :(

يعني انتم ماغير تفكرون بدنياكم :خايف:
يعني ماكن لكم رب يشوفكم :خايف:

الله يهدينا ويصلحنا اجمعين :خايف:

اللهم امين:خايف:

اسفه لأني تحت 18
وعصيت كلمتك بس حبيت اطلع اللي في بالي
اسفه عن جد :خايف:

[روح الطفولـه]

:مستحي::(


موضوعك قيمـ ..

وانا اختكـ قصدك تحت سن 5 < افهم من ابو 20 سنـه

بالنسبـه لما طرحـت .. باختصـآر شديد ..

مافيه الا حل واحد انـه اي شيء يخص النسـاء يبيعونـه النسساء

ليه الدول اللي براء البايع حرمه واحنا رجال رغم اننا مجتمع محافظ؟!!!

ملابس داخليـه تعرض فالاسـواق واللي مايشتري يجي يتفرج هع:12:

قسسم احررراج مال امـه داعي..!:(

وبالنسبـه للصيدليات مايحتاج تسـآل ؟

كل ششيء مكتوب عليـه استخدامـه ...الخ
اما غير فهي قلـة ادب ..:97:

والمسسلسسلات وهالكلام من الاب والام
بنات الابتدائيـه .. على عهد مسلسل لميس وهالخرابيط يتابعونها عن طريق الانترنت ؟

بنت عمرها ماتجاوز الـ 15 ونت ؟ عجب عجب ..!!
مااقول الا الله يخلف على الاهـل بس وعلى تربيتهم لبنتهم وولدهم ..
.
.

يعطيك الف عافيـه ,,
.
,
تقديري ..:ورده:
.
.

[α7ταjк]

قروشه موضوعك قووي:111:
يجي 18 وخمس شهور:66:
ايه تغير الزمن وهي اوقفت ع ذا اجل:خايف:
اخوي من كثر مايشوف mbs3
بدى يقول لاعنت الله عليكم:(:خايف:
تخيل عاد لاوبعد يكد وويصارخ:خايف:
تقل هو رجل البيت واذا روق وسالته قال اقلد الي بسبيتون:خايف:
خله ع الله بس:(
وقول يمكن بريده مو مثل غيره باللبس:واي:
صدق الحييين اذا شفنا شي نقول ياكافي وشلون يالبسونه:خايف:
ونصير مثلهم بعدين كل شي صار عادي:خايف::(
حتى البزراين صار مهنا العن منهم:خايف:
الشكوى الله مير:(
mbsصارت بنت كلب تجيب شي معليش المفروض مايعرضن :خايف:
ودي اقول واهرج بس يخونن التعيبر:52::111:
يعطيك ربي الف عاافيه:ق::ورده:

[مجننتهم بهبآآآلي]

آبشـروا بلمطـر طلعت آستحي :اح::22:
وه وقصم وجهي انصفق من موضوعك :اح::1:
اما الصيدليه موضوع ثاني
ياماوياما مرت علي مواقف والله تطيح الوجه :(
لعبنو دارهم كنهم في بوفيه يقولونها
عادي :(:ق:
وقصم انه فيه فئات معدوم عندها كلمة حياء


.

.


اييييه حي زمااان اول :هاه::ق:
مالنا بذي لامور اصلن مانعرفهااا :(
واذا حد نشدنا
تفكرنا فيه وحنا مفهييين :52::22:
.
.
اما بذا الوووقت يادفع البـلااااء كل شي متفتح وكل شي صار معروف وعااادي
ااااخ ياوجهي موقف صارلي مع ابي وقصم بغى يغمى علي من وقو الموقف والسبة من سؤال اختي الصغيره :52::(:22:
وهايومني رديت عليها واعلمهاا >>يقالها ترشد
ردت علي رد ملعون خـير اكلت تبن :(:خايف:
ابي وجه حمر وجلس يضحك ماعلق :(
وانا من فشله نطرتها :1:
.
.
،،
ودكم تعرفون وش الموقف معصي مقدر اقوله
موقف محرج جدا :اح::(:22:

بس تدرون البلاااء فينا حنا..
ايه فينا
حنا الي حطينا ذي القنوات وحنا الي خلينا بيزارينا يشوفونها حتى لومنعناهم راح يشوفونها
لان كل ممنوع مرغوب :22:
والبلاااء تدرون وين في رسووم متحركه خاصتن
توم وجيري
حبيب الكل الكبير والصغير :خايف:
ياتي القطو يلحق الفاار ويمر على تيك القطيوه المزيونه يمسك ذيك البريك ويقرب وزانها ويتغير شكلا الاذيب ويمد لساانه ودفاله يقوطر :هاه:
ويعقد يمسك يدها وهاك ياتبويس

>>والله قرفتني الحركه
ولاالبزران مندمجين يوم غيرته تسمع صياااحهم وبين الصيااااح سب
الله يلعنك رديه ياكلبه و.....الخ ماعاد فيه احترام للكبير :(
والله مافي احلى من كابتن رابح ابو شعر اسود :ياوتس:>>معشوقي :ضحكـ:
وش اقول ولاوش اخلي عن الباقي :هاه:

قروووشه يعطييك الف الف عافيـه

ع الموضوع وتستاهل التقييييم :ورده::ق:

[تكفى ـآآآ]

موضوع في الصميييييييم :(

قسمن توني قآعدتن عند التلفزيون وجآيبين دعآيتن تسسسسلبهـ :( تطآمر ولن تشعري وطوط طوط :( واخوآني الصغآر جآلسين :( وابوي واخوآني الكبآر يآخززززيآآآه :( طيب نعرف نروح الصيدليه ونشتري وش لهـ الفضآيح :( وآحسرتآه :(

بجد الحين الدنيآ تغيرت ومآعآد فيه برآئه وفتآحيهـ وردهـ :( صآر فيه ايبود وجوآل وافتحي ونآسه ورئصني يآقدع
اجل اختي الفصعونهـ قآل ايش قآل ترآ جيلنآ غير جيلكم :واو: انآ لمآ قآلتهآ صعقت :واو: وذهلت وقلت في نفسي فعلآ :( ورجعت بي الذآكره الي 13 سنه ورآ وتذكرت شكلي بفستآن ابو ائبه وبآبآ فرحآن واذا جت وطني الحبيب قمنآ نرقص :آحآسيس: وقلت اييييهـ يآدنيآ والله وتطورنآ وصآرو المبزر من طقة اختي الفصعونهـ تعجبهم ونآسه واغنيت رآشد الي لآبس قبعهـ :وشذآ: <<~ تقصد الي لقآ احبآبهـ :ق:

صرآحتن الحين مآعآد فيه صغآر خلآلآلآلآص الحين الصغآر افهم مني ومنك :( كلش يعرفونه قطع :( ومآتقدر تخبي عنهم شي :(

مآاقول الا الله يكفينآ شر هآلغزو الفكري الي مآخلونآ بحآلنآ :( وخلصنآ من الخليجي وجآنآ التركي ومآ ادرآك مآ التركي :( هآالمسلسلآت التركيه حسبي الله عليهم :( كلهآ قلة ادب وكلآم فآضي :( وكل الي يتآبعون مرآهقين تنغرف عقولهم ويخقون ويروحون يقلدون طبعآ :( والاطفآل يشوفون ويقولون ليهـ مآنصير مثلهم :(

عمومآ .. الخطآ الاول والاخير من الاهل تقدر الام تمنع طفلهآ يتآبع مثل هآلاشيآء :( ويقدر الاب يفهم اطفآلهـ الاشيآء الي تصلح يشوفونهآ وو الخ :(

ويعطيكـ العآفيه :ورده: ولك مني احلى تقييم :ورده:


وترآني استعجلت امي تنآديني :111: <<~ تخبرني مطيعهـ :111:

[a7lamuza]

بصراحه موضوعه راااااااااائع جدا تشكرين عليه ولي باك للموضوع

[..صمتي جرحني..]

تسلمين علىالطرح وانتي صادقه بكل كلمه قلتيها وكل حرف
البلا مهب من mbc2البلا لحطيتي على mbc3شوفي البلاوي الي تصير
لعنبوهم حتى قنوات الورعان ماسلمت منهم
صدق ماعاد به حياء ولامستحى
على العموم لاهنتي على طرحتس
وتستاهليييين 5\5
مودتي{{كبرياااء :ق:

[No Name]

^^
الردين اللي فوقي

قروشه < هذآ شخص موب شخصه

[مفك صلصه]

تدري

يمكن اللي قبلي كفو ووفو بالرد

تدري هالانفتاح جابووه لنا مدعي الثقافه

يعني يجوون يدخلوون لنا من المكان الضيق

ويجلسوون يتبحلسوون علشان يمكنون انفسهم وعقبها خلاص اهم شي لقى له مدخل بعدها ينشر سمه

اعلمك كيف يوصلون

الحين بدوي راعي بعارين ما يعرف الا عقب المغرب يتعشى ويسولف مع عياله على النار

تتوقع ان فيه هالنوعيات الحين
اتحدى ان فيه اي شي

طيب كان التلفزيون زمان وشو افتح يا سمسم بتقولون قديم بس وش كان كان نعمان وميسون وعلبه
يعلمون الحروف يعني الشغل دراسه

وهذاك اللي يقول هي يا باااي والسنافر

الحين يوم من الايام تفرج علي توم وجيري

شووف توم اذا شااف القطوه وهي حاطه الروج

شلوون تطير من عيونه القلوب

هذا وهو علي مستوى بزارين يعني 3 سنوات وتحت

يعني هالغريزه يبون يزرعونها فيهم

زمان وش كان افلام الكرتون مصاقيل يلعبوون ويطفي الشايب ماطور الكهرب عقب الاخير

وكل واحد علي فراشه ويسوولفون وينخمدون

خلنا من هذي

تعال شووي للانفتاح انا ما البس بنطلون البس شماغ وثوب

نظرت الشباب عنك انك طعس ولا تعرف في شغلات الشباب

طيب انا اعرف ابو الشغلات كلها واعرف الكول وكيف اصير كوول

بس انا مو مقتنع فيها

شووف حبيبي بعد كل هالشرح والمهايطه

صدقني حنا اللي خلينا هالانفتاح يتغلغل فينا

وسمحنا للشرذمه اللي يسموون انفتاحيين

يخوشوون فينا علي كيفهم

تحياتي لك

[misho]

الخطأ مب كله ع الاعلام >> اتكلم عن القنوات
شيلوا هالرسيفر من البيت وحطوا المجد :ق: ،
فيها كلش متكامل وستر ولا حرمه تطلع فيه ووش زينه :ورده: ،

واذا والله انت تبي تناظر لك شيء النت مليان !
افتح اللي تبي وناظره والبزران يصيرون عند المجد

وعلى سالفه الصيدليه والحياء :( ،
الناس ماعاد تستحي من جد !
ع العموم القنوات والام بي سي والباقي كله خراب !


شله وارتاااح :ق: ، هاذي وحده تقرب لنا متزوجه
المهم انها كذا حاطه الرسيفر بغرفتها يعني عيالها مايناظرون شيء ! كويس
ويوم ورا يوم لين طلع الرسيفر بالصاله :| !!! وصار الكل يناظره من عمر 6 سنوات الا اكبرهم :( !
فـ الأفضل ريـّح نفسك وحط لك المجد ..،


مستر/قروشه :: موضوعك من جد رهيب والله يقويك ع المواضيع اللي كذا :ورده: ..






،

[مخربتها]

موضوع هآآدف جدآ..:ق:

زين فيه احد فكر بالموضوع ..

من جد الاعلآم صار لا يطآق ,,

عائله مجتمعين على طآش ماطآش يحسبونه مثل اول ..

ومايدرون ان اول تحول,, وصار (فري)

صار فيها الرجال يكلم الحرمه ويغازلها عيني عينك ..

ولا كله كوم واذا جاء الفاصل كوم ثانيه ..

الوحده ماودها تشوف التلفزيون مع ابوها واخوانها ..

نآس فاهمين الفري غلط وقلة ادب ..

ويقولون مناقشه لموضوع حساس ..

يعني ضاقت هالمواضيع المحرجه واللي تخدش الحياة ..

قروشه .. موضوعك يستحق التقييم.. :ورده::ق:

أعذرني ع الرد المتأخر ,, :ق:

[غ ـلآ ..~]

والله حــآله قال ايش قال بزرآن <<ماعاد فيه بزران بهالوقت:( ..
الحيين لو نسأل بزر قلنا وش لون جييت <<يسرد لك السالفه :66:
مو مثل اوول يقولك <<ماما جابتني من بطنها<<براءه :وخر:
احيانا تلقى البزر يعرف ازين منك <<من ذا الدش الله يخرب بيتهم :97:
ولا الافلام التركيه الي طايحن فيها ذي الايام <<كل ابو الوقاحه فيها:خايف:
المشكله في البزران لما يشوفونها <<ع طووول تطبيق:ضحكـ:
صدق لا قالوا زمنآ فاسخيين الحيا وابوه بعد <<عصبت :52:

ترى معليش شطحت :1:
موضوعك يستاهل التقييم:ورده:}~

[A7TOENE]

قروشــه
هذا مايسموـوـونه تطور الاعلام}~
تعرض مثل كذآآآ

اما عن الفري يوـوـوـوه حدث ولا حرج

تغيرت اشياء كثيرـره بسبتها
ينعن شكلهم في اشياء قسم
قمه الاحراج فيها ويسولفن وعاـاـادي عندهم

بس العتب ع المخ الي خيس}~
الي صار كل شي عادي

تخيل بنت عمي عمرها 12 سنه قالت لي اشياء انا فهيت معها قلتلها من علمك قالت صديقتي

قالت ليه فيها شي عاـاـادي {كلنا نعرف} ~>> تحتها مليون خط

وامصيبتاـاـاـاـاه كيف بيطلع الجيل الجاي

قروشـه ثانكس على الموـوضوع البطل :ورده:

[TOFE]

شطحه : تذكرت ايام الطفوله ايام ماكنا نقول ان الحرمه تاكل واااااااااجد بعدين يصير ببطنها نونو ويشقون بطنها ويطلعونه

بهالزمن مع الانفتاح والعولمه اسأل اي بزر فوق العشر سنوات شلون ماما يصير ببطنها نونو (بيبتسم بخبث ويقولك وش دراني انا اسأل ابوي) ماعاد فيه بزران ولا برائه والسبه هالغزوا الاعلامي والفكري اللي خرب عقول بزارينا :(


.. :(:( قسسسسم بالله صصصـآآدزز
[ ردييت عليك بالتقييم مـآيحتآآج أكتب مرره ثانيـه :ق:

[مستحيل أنساك]

والله إنك صادق يا قروشه عندك مثال البدو
عندنا بالديره الناس ما تعرف شي نهائيا إذا شافو وحده لابسه عباية كتف شهرو فيها وإفلقني إن تزوجت
ليلة العيد دخلت السوق مسكت راسي والله إلي تلبس عباية الكتف يا حليلها ..!!!:خايف:
وش سبب هالانفتاح مع أني اضمن إن احد فيه ماا طلع برا الديره
ألسبب واضح الدش والانترنت وعدم المرراقبه

لكن نروح ونسوي مواضيع واخر شي الخطأ من الاب والام والاخت الكبيره
ليه ندخل الدش ..؟
تبيث الدش رح للاستراحه وتلقى كل شي فيها :(

موضوعك راقي قروشه وبالصميم لكن ما راحح نستفيد منه :ورده:

[ânFâ$k D5ôôN]

للـه در من جآبــك يالقروشــه ..

موضوعــك يحتــاج مجلدات وكتـب للبـث فيـه ومناقشتــه ..

وبما إنـي لا أجيـد النقآشـات .. لأن النقآش يحتآج إلى صفآء ذهنـي وروقآن .. وأنا أفتقد هالخآصيـه

فـ قررت إني أدلوو بدلوي فإما أن يصيب الدلوو .. أهدافــك وإما إني أجيب الغايبــه .. والثآنيه أتوقع إنها بتجـي ولكن الله يستـر .. !!

أنا صرت أخاف الفتنـه .. نعـم أخاف من الفتنــه .. حتى شغالتنآ .. إذا جيت أسولف معها .. أعطيها ظهري ..
قسم بالله لو إني جالس بالحوش وشفـت لي عصفـور .. أبدا أفكـر شلون أجيب رآسسسسه :(

نعنبووهم شلون خلوني أفكـر بـ هالتفكييييييييير .. !!

أذكـر في عام 1416هـ .. كنت أحد بزران الحاره .. وكانت هوايتي المفضلـه الدشره في الحاره.. وكان
طموحـي ..إني أجلس في الشارع أطـول فتره ممكنــه ..

وكنـت أشوف مطاوعـه .. يدخلون بيوت الحاره ويكسرون الدشوش ويرمونها من فوق السطوح
وكنت أحك رآسي ومستغرب .. وكلن كان يخاف يركب دش .. وبعد فتره منعت الدولـه الدشوش
لمده 4 شهور تقريباً .. ثم ألغوا قرارها بحجـه الحريـه .. ومن ثم توالت النكسات ..
وبدينا ندحدر إلى الهاويـه .. إلى أن وصل بنا الحال إلى مانحن عليــه ..


قروشــه إنت جبت القـدر كلــه وكبيتـه قدامنــا .. ومافيني والله أزيــد على كلامــك .. !!

عافاك الله ياحيي وتقييمـي بـ ياصلك :ق::ورده: