A3BoOd
03-31-2009, 01:28 AM
السلام عليكم ورحمة الله وبركاته
كيفكم وش أخباركم
هذا موضوع مشاركة بالأكادمية اللي أنا بفوز فيها غصب عنكم إن شاء الله :66:
وهو عبارة عن موقف حصل لي ويا كثر المواقف اللي نمر بها في حياتنا
إليكم القصة يا قوم
هذه قصة جرت وقائعها علي منذ سنة أو حولها
طول الله عماركم
قبل سنه تقريبا اشتريت لي سيارة كامري
وثالث او رابع يوم من شرائي للسيارة قلت لازم عاد أطلع الأهل أمشيهم شوي
أخذت أخواني الصغار والوالدة الله يطول بعمرها وأعمار أمهاتكم جميع
المهم اخذتهم عصرية و مشيتهم
وبعد العشاء واحنا راجعين نشب فيني أخوي الصغير إلا يبي يتشعى مطبق قلت له أنت يبي لك
مطعم كامل يالدب :1: قالت أمي أقول أخلص هات لأخوانك عشى قلت أمرك طال عمركـ :ضحكـ:
نزلت للمطعم وأخذت عشاء
وجيت راجع و فكيت الباب الايسر اللي ورى وحطيت العشا
ثم سكرت الباب وفكيت باب السواق و اعشق ريوس
وهذا انا راجع
الا وأسمع صرااااخ الوالدة واااااااي يا حرررررامي
وقفت بسرعة قلت لايكون فيه طاب معي بالسيارة :شسالفه:
و أدور أحد غريب ماش سلامات يا أمي وش فيكـ :(
ولا ترد غير بصياح وسب ع كيف كيفكـ :(
وهذا انا اسال ومفجوع إلا واحد فاتح علي الباب
وعلى الطاير بالبنيه على خشتي إلا وأنا مسدوح ع المقعدة دااايخ :ضحكـ:
ودخل علي وسط المقعدة
وأنا حاط راسي على التكايه اللي تفصل المقاعد الاماميه
وقاعد أرفس في وجه الغبي اللي طاب علي مدري وش يبي :(
يمكن المضاربه استمرت دقيقتين او ثلاث على الأقل
وأنا والثور هذا نتضارب داخل السيارة
بالطبع جو الناس وسحبوه وطلعت وراه وأخذت معي العجره ناوي أذبحه من الغبنة اللي أحس بها :قافله معه:
ولكن ما قدرت اوصله ولا هو يوصلني من الناس اللي يفرعوا بينا
قلي واحد وش المشكلة ؟
قلت والله ما ادري لقيت الرجال داخل علي في السيارة ويضربني.:(
قال : يابوي انت داخل في سيارته وجاي تسرقها . ولا تبي تخطف الحرمه ؟
هنا يا جماعه حسيت أن فيه شي غلط :شسالفه:
واذا سيارتي واقفه جنب سيارة الرجال ونفس النوع والشكل واللون
وأخواني والوالدة بسيارتي وأنا داخل غلط من الدلاخه سيارة الرجال :بندر:
بالطبع لما عرفوا الناس انه خطا غير مقصود
فكوها ضحك :بريداوي:
رحت للرجال وحبيت راسه و اتاسفت منه
وكان خشمه يقطر دم و انا عيني اليسرى مزرقه :ضحكـ:
قال : فتح عيونك المرة الثانية
قلت : ما عاد اقدر افتح الا عين وحده الله يسامحك:1:
هههههههههههههههههههههه
بصراحة
أنا كنت مستغرب لما حطيت العشاء بالمرتبه الخلفية وهو أنها فاضيه:شسالفه: قلت يمكن أخواني نزلوا
للبقالة
اما الحرمة فالضعيفة
صوت واحد واااااااااااااااااااااااااااااااااااااااااااااي
اهرجها اسالها وهي مواصلة وااااااااااااااااااااااي
و لما رجعت وركبت سيارتي
لقيت أخواني والوالدة مستانسين ولا على بالهم :ضحكـ:
ويوم جيت محرك قال أخوي وين المطبق قلت على شحم يالدب :(أنت وخشتك
وأنا اسأل روحي أيه صح وين العشاء:شسالفه: تذكرت أنه بالسيارة اللي دخلتها غلط :بندر:
قلت يا ولد فشيلة أرجع للرجال وأقول هات العشاء أنا ماصدقت أفتك:هع: منه قلت مالي إلا أشتري
من جديد ويوم نزلت
إلا وصاحبنا يدق علي بوري قال هيه مضيع لك شي قلت إيه قسم عشاي معاك بالسيارة :بندر:
نزل الرجال وهو حاط المنديل على خشمه اللي يقطر وفك الباب
الخلفي وعطاني العشاء وهو يضحك :111:
لما اخذت العشا من يده قلت له : والله لأموت وانا ما نسيتك من هالموقف
وبديت أسولف معاه بالشارع
اخذ رقم جوالي واخذت رقم جواله والى اليوم وانا واياه نتبادل الاتصالات :)
واذكر اول اتصال اجريه معه بعد الحادثه باسبوع تقريبا
قلت له سلامات صوتك مزكوم فقال ببديهيه لا والحمد لله ماني مزكوم
رديت عليه بخبث : اوووووه اجل خشمك لسع يوجعك من ذيك الليلة :ضحكـ:
ففكها ضحك
وكم من موقف يصنع علاقات
عزيزي المهيص إذا حصل لك موقف مثل هذا أسدحه هنيا عشان نضحك عليكـ :ضحكـ:
و صح لساني وصح بدني وسلامتكم :مستحي:
كيفكم وش أخباركم
هذا موضوع مشاركة بالأكادمية اللي أنا بفوز فيها غصب عنكم إن شاء الله :66:
وهو عبارة عن موقف حصل لي ويا كثر المواقف اللي نمر بها في حياتنا
إليكم القصة يا قوم
هذه قصة جرت وقائعها علي منذ سنة أو حولها
طول الله عماركم
قبل سنه تقريبا اشتريت لي سيارة كامري
وثالث او رابع يوم من شرائي للسيارة قلت لازم عاد أطلع الأهل أمشيهم شوي
أخذت أخواني الصغار والوالدة الله يطول بعمرها وأعمار أمهاتكم جميع
المهم اخذتهم عصرية و مشيتهم
وبعد العشاء واحنا راجعين نشب فيني أخوي الصغير إلا يبي يتشعى مطبق قلت له أنت يبي لك
مطعم كامل يالدب :1: قالت أمي أقول أخلص هات لأخوانك عشى قلت أمرك طال عمركـ :ضحكـ:
نزلت للمطعم وأخذت عشاء
وجيت راجع و فكيت الباب الايسر اللي ورى وحطيت العشا
ثم سكرت الباب وفكيت باب السواق و اعشق ريوس
وهذا انا راجع
الا وأسمع صرااااخ الوالدة واااااااي يا حرررررامي
وقفت بسرعة قلت لايكون فيه طاب معي بالسيارة :شسالفه:
و أدور أحد غريب ماش سلامات يا أمي وش فيكـ :(
ولا ترد غير بصياح وسب ع كيف كيفكـ :(
وهذا انا اسال ومفجوع إلا واحد فاتح علي الباب
وعلى الطاير بالبنيه على خشتي إلا وأنا مسدوح ع المقعدة دااايخ :ضحكـ:
ودخل علي وسط المقعدة
وأنا حاط راسي على التكايه اللي تفصل المقاعد الاماميه
وقاعد أرفس في وجه الغبي اللي طاب علي مدري وش يبي :(
يمكن المضاربه استمرت دقيقتين او ثلاث على الأقل
وأنا والثور هذا نتضارب داخل السيارة
بالطبع جو الناس وسحبوه وطلعت وراه وأخذت معي العجره ناوي أذبحه من الغبنة اللي أحس بها :قافله معه:
ولكن ما قدرت اوصله ولا هو يوصلني من الناس اللي يفرعوا بينا
قلي واحد وش المشكلة ؟
قلت والله ما ادري لقيت الرجال داخل علي في السيارة ويضربني.:(
قال : يابوي انت داخل في سيارته وجاي تسرقها . ولا تبي تخطف الحرمه ؟
هنا يا جماعه حسيت أن فيه شي غلط :شسالفه:
واذا سيارتي واقفه جنب سيارة الرجال ونفس النوع والشكل واللون
وأخواني والوالدة بسيارتي وأنا داخل غلط من الدلاخه سيارة الرجال :بندر:
بالطبع لما عرفوا الناس انه خطا غير مقصود
فكوها ضحك :بريداوي:
رحت للرجال وحبيت راسه و اتاسفت منه
وكان خشمه يقطر دم و انا عيني اليسرى مزرقه :ضحكـ:
قال : فتح عيونك المرة الثانية
قلت : ما عاد اقدر افتح الا عين وحده الله يسامحك:1:
هههههههههههههههههههههه
بصراحة
أنا كنت مستغرب لما حطيت العشاء بالمرتبه الخلفية وهو أنها فاضيه:شسالفه: قلت يمكن أخواني نزلوا
للبقالة
اما الحرمة فالضعيفة
صوت واحد واااااااااااااااااااااااااااااااااااااااااااااي
اهرجها اسالها وهي مواصلة وااااااااااااااااااااااي
و لما رجعت وركبت سيارتي
لقيت أخواني والوالدة مستانسين ولا على بالهم :ضحكـ:
ويوم جيت محرك قال أخوي وين المطبق قلت على شحم يالدب :(أنت وخشتك
وأنا اسأل روحي أيه صح وين العشاء:شسالفه: تذكرت أنه بالسيارة اللي دخلتها غلط :بندر:
قلت يا ولد فشيلة أرجع للرجال وأقول هات العشاء أنا ماصدقت أفتك:هع: منه قلت مالي إلا أشتري
من جديد ويوم نزلت
إلا وصاحبنا يدق علي بوري قال هيه مضيع لك شي قلت إيه قسم عشاي معاك بالسيارة :بندر:
نزل الرجال وهو حاط المنديل على خشمه اللي يقطر وفك الباب
الخلفي وعطاني العشاء وهو يضحك :111:
لما اخذت العشا من يده قلت له : والله لأموت وانا ما نسيتك من هالموقف
وبديت أسولف معاه بالشارع
اخذ رقم جوالي واخذت رقم جواله والى اليوم وانا واياه نتبادل الاتصالات :)
واذكر اول اتصال اجريه معه بعد الحادثه باسبوع تقريبا
قلت له سلامات صوتك مزكوم فقال ببديهيه لا والحمد لله ماني مزكوم
رديت عليه بخبث : اوووووه اجل خشمك لسع يوجعك من ذيك الليلة :ضحكـ:
ففكها ضحك
وكم من موقف يصنع علاقات
عزيزي المهيص إذا حصل لك موقف مثل هذا أسدحه هنيا عشان نضحك عليكـ :ضحكـ:
و صح لساني وصح بدني وسلامتكم :مستحي: