أول قضايانا !! لا تبخلوا علينا !!

[أحلى من العقد]

هلا حبايبي المهيصين

حنــا اليوم معانا اول قضيه ( من قضايا أحد المهيصين )

فــا لاتبخلوا على صاحب المشكله بأرائكم

ولو تكرمتوا خليكم في إطار المعقول والحلول

المنطقيه ،،،،

7
7
7
7
7

*************************************************
:44: :55: :44: :55:
مشكلتي مع حرمة ابوي الي هي الثانيه بعد أمي
انا ابوي ماخذني من يوم انا صغيره
وامي متزوجه وابوي تزوج بعد امي وخذاني وكبرت وتعلمت والحين
انا طالبه جامعيه بس عايشه بظلم وقهر :قرون:
الي هو مع زوجة ابوي الي كل يوم تظلمني وتعذبني بحياتي
وامي كل ما اكلمها تقول لي تعالي عندي عيشي
ونا جالسه بين نارين مع امي او ابوي :55:

مع العلم اني اموت بابوي وامي بعد بس ابوي يتغاظى عن اشياء كثيره عن زوجته الثانيه :خايف:

يعني احيان اشكي له ويرد علي ابوي ويقول هونيها وبتهون
وماهانت لي سنين ونا عايشه بعذاب :قافله معه::55:

وش اسوي ؟؟؟ :قافله معه:
اروح لامي واترك ابوي الي اموت بماطا رجله ؟؟ :55:
مع العلم ان زوجة ابوي مقفله علي كل شي
حتى الانترنت بالموت ادخله واعبر وافضفض لخوياتي :خايف:

**********************************************


لي عودهـ لأعطــي رأيي بالمشكله :ا:

[MissTahBelah]

الله يفرج لكـ ان شالله ..

انا بقولكـ ياعمري اقعدي عند ابوكـ افضل من تروحين لزوج امكـ ..

وخلاص انتي كبرتي وربي بيرزقكـ بالزوج الصالح ويعوضكـ ان شالله ..

وخوياتكـ ياقلبي مافي يدهم حيلة الشكوى لغير الله مذلة اشكي لربك هو الي بيفرج لكـ ..

[منسطل]

يعني احيان اشكي له ويرد علي ابوي ويقول هونيها وبتهون
وماهانت لي سنين ونا عايشه بعذاب :قافله معه::55:



الله يعينك والله حاس بمعاناتك
مالك الا الصبر خاصة انك كبيره بالعمر وجامعيه بحسب ماقريت
لو تروحين لامك بتعيشين القهر مع زوج امك بعد

نصايحي لك اختي الكريمه :

1- حاولي تكسبين محبه زوجة ابوك حتى لو اساءت لك مره ومرتين
صدقيني بتحس بالذنب وبتغير معاملتها ..

2- ان مافاد تقدرين تلحين على ابوك ومثل مايقولون كثر الح يفيد :22:


وقلوبنا معك انشاء الله تتحسن معاملة زوجة ابوتس معتس
وماراح نبخل معك بشي حنا . . قلوبنا لك :ورده:

[مزوون]

دام ابوج احليو معاج خليج عنده ,,, ومرت ابوج حاولي تتقربين منها
صدقيني إلا مايجي يوم وتحس بغلطها ,,, وزوج الام مافيه شي
بس بيت ابوج اولى فيج ....

والله يفرج كربتج وكربة كل مسلم

[أحلى من العقد]

غاليتي :)
كل منا بهالدنيــا عندهـ إللي يكدر عليه عيشته ( وربي )

والمسلم ترا دائماّ مبتلى ،،،، فـ أنتي بدايةّ أحتسبي قهركـ هذا على عند الله

1@ وهذا دعــاء قوليه كل ماحسيتي أنها نوتلك نية شينه أو أول ماتشوفينها

(( مجربه )) وإن شاء الله ماتضرينها فيه هذا دعاء يكف بلاها عنك بس

اللهم إني أجعلك في صدورهم ،،، وأدرء بك في نحورهم
وأعوذ بك اللهم من شرورهم .

2@ وأكثر ي من الإحتساب ( بنيه أن الله يصرف شرها عنك)) وليس بنية الضرر

3@ لابد من التصادم معاها أمام والدك ( بحدود الأدب )
ووضع والدك تحت الأمر الواقع
حتى لو أنه حبيبي معكـ ( بس مايشوف عيبه قدامه )

هي تسوي ذي الحركات بعيد عن عين ابوك

فــ أنتي تصادمي معاها بأي شي قدامه وخليه هو يبدأ يشوف بعيــنه
عدم التوافق اللي بينك وبينها .

4@ ولاتفوتين حق لكي ( لانك بأختصار ،،أنتي بيت أبوك )
يعني لك أنتي ( صدر البيت ) غصب عنها
وتأكدي أنك كل ماضغفتي هي راح تزيد قوهـ !!( واللي مايستحي لا تستحي منه ) :(
يعني إذا قفلت باب ( قولي ) لبوك يبى أنت قفلت الباب ( كذا ) ؟؟
طبعاّ بيكون جوابه لاء فــا تظطر تقول أنا قفلته والحين بفتحه لكي
>>> وشرايكـ بالحوار بس :هع:
>>> أنفع أكتب سيناريو مسلسل صح :مروق:

أي شي يصيرك في البيت لازم يدري فيه ،،، لازم يحس بكبر الفجوة اللي بينك وبين زوجته

>>> بس أنا متأكدهـ أنها تحب أبوك ( ويمكن ) تصرفاتها هذي غيرهـ منكـ
يمكن لإنكـ تشبيهين أمكـ :::: فــ تغار على زوجها بعد فـايترجم شعورالغيرة عندها إلا شعور عدواني

5@ أنا أقول لاتروحين لبيت أمكـ مهما كااااان
لان بكل بساطة إذا أبوكـ وهو رجال البيت يقولك ( هونيها وتهون ) باللهي أمك لاصارت بمثل
ذا الموقف وشبتقولكـ (( !!! ))
وبعدين لانك تحبين أبوك وطبعاّ ماترضين الناس تتكلم فيه
وتقول ( انه خلا بنته تروح تعيش عند أمها وهو حي موجود )
( ما يغار على بنته )
لاء خليكـ عند أبوك ( هذا شي متفق عليه ) ( ok ) :) :ورده:

6@ أنتي الأن أمام مفترق طرق ترى ( كبير ) أولاّ لانك كبرتي
( فــالازم تتحكمين بتصرفاتك زين) :grin:
ثانيــاّ مالكـ إلا الدعاء لله بأنه يرزقك بولد الحلال أللي يستاهلك
ولا توافقين على أي احد ( بس عشان تتطلعين من بيت أوبك )
واجتهدي بدراسكـ وأصري على الوظيفه وانتي بيت أوبك ( وشرط بالزواج ) عشان تعتمدين
على نفسك وماتحتاجين أحد :وي وي:


وأرجع وأقولكـ ( احتسبي ) ما أنتي فيه الأن عند الله وربي قريب من دعوة الداعي إذا دعاهـ
لكي مني أحلى تحيه ,ارق زهرهـ
وسلميلي على أمك :)
:بندوري: :بندوري: :بندوري:

[منسطل]

كلام سليم احلى من العقد :ورده: :)

[فرانك بن بيتر العنزي]

3@ لابد من التصادم معاها أمام والدك ( بحدود الأدب )
ووضع والدك تحت الأمر الواقع
حتى لو أنه حبيبي معكـ ( بس مايشوف عيبه قدامه )

هي تسوي ذي الحركات بعيد عن عين ابوك

فــ أنتي تصادمي معاها بأي شي قدامه وخليه هو يبدأ يشوف بعيــنه
عدم التوافق اللي بينك وبينها .

4@ ولاتفوتين حق لكي ( لانك بأختصار ،،أنتي بيت أبوك )
يعني لك أنتي ( صدر البيت ) غصب عنها
وتأكدي أنك كل ماضغفتي هي راح تزيد قوهـ !!( واللي مايستحي لا تستحي منه ) :(
يعني إذا قفلت باب ( قولي ) لبوك يبى أنت قفلت الباب ( كذا ) ؟؟


بالعكس كذا تزيد الطين بلة

وراح تحقد أكثر عليها وتحاول تؤذيها بأي طريقة

حتى أنها قد تلجأ لأمور خطيرة قد لاتكون بالحسبان

خلنا نضرب مثال منتشر بهذا الزمان وبكثرة السحر

كفانا الله وياكم شرهـ . . . لأن بعض الناس

لايخافون الله و هي لو كان تخاف الله لما كانت تعمل هذا بكي

أنا أقولك حل واحد مافيه غيرهـ . . .

حاولي تتصالحين معها بأي طريقة . .

حاولي تحسسيها أنك زي بنتها أو أختها

بالكلام الحلو الحديد يلين

واصبري فإن مع العسر يسرى

وأكثري من الدعاء بأن يهديها الله ويثبتها على السراط المستقيم

وابتعدي عن العناد والتحدي وفلانة قالت سوي لها كذا وفلان قال سوي كذا

لأن التحدي والعناد ماراح يجيب حل . .

وبالنسبة لأمور أنها مانعتكي من كل شيء

من النت وصديقاتك . . هذي أمور تافهه . .

وعسى أن تكرهوا شيء وهو خير لكم

يمكن أنتي كارهه أنها مانعتكي والله أمرها لكي تمنعك عن شر

لاتنظرين للمشكلة من ناحية واحدة فقط

أنظري لها بعدة نواحي والتفكير بإمعان بالمشكلة

ودارستها جيداً . . . قبل . . .

أن أعمل برأي فلان وعلان حتى لاتكون العواقب غير حميدة

وبالنسبة لمشكلتك التحدي والعناد لن يجدي نفعاً

حاولي بشتى الطرق ومن غير يأس أن تتصالحي معها

لأن لو أبوكي فضلكي عليها ماراح ترتاح هي

أبوكي فضلها عليكي ماراح ترتاحين أنتي


وبالنسبة لأنك تروحين لأمك . . .

تأكدي أنها راح تفرح وتعمل وتسعى لعدم رجعوك

لأنها هي ماارتاحت لك وأنتي عندها وإذا ذهبتي

سوف يكون هذا أسعد يوم بحياتها وستعمل على عدم رجعوك بأي طريقة

لكن اصبري فقد يأتي الفرج عن قريب وإذا بشاب يطرق الباب لخبطتكي

فترحلين عنها وتكون مجرد ذكرى وإن حدث هذا الشيء

أطلب منكي شيء واحد من كل قلبي عدم الحقد عليها

ومحاولة الإساءة لها وذكرها بكل خير وتذكري كلام الله عز وجل


وقال تعالى: ((ولا تستوي الحسنة ولا السيئة، ادفع بالتي هي أحسن فإذا الذي بينك وبينه عداوة كأنه ولي حميم، وما يلـقاها إلا الذين صبروا وما يلقاها ألا ذو حظ عظيم))(فصلت: 34 ـ 35).

وقال تعالى: ((والكاظمين الغيظ والعافين عن الناس والله يحب المحسنين))(آل عمران : 134).

وقال الصادق(عليه السلام): (إذا وقع بين رجلين منازعة نزل ملكان، فيقولان للسفيه منهما: قلت وقلت، وأنت أهل لما قلت، ستجزى بما قلت. ويقولان للحليم منهما: صبرت وحلمت، سيغفر الله لك، إن أتممت ذلك. قال: فإن رد الحليم عليه ارتفع الملكان)(3 الكافي).

وحاولي تقرئين كتب عن فنون التعامل مع الأخرين

والأبتعاد عن الأراء اللي تكون عواقبها غير حميدة

لكي تحيتي ومودتي

والله يوفقك ويستر عليكي

[دليع]

مشكلتي مع حرمة ابوي الي هي الثانيه بعد أمي
انا ابوي ماخذني من يوم انا صغيره
وامي متزوجه وابوي تزوج بعد امي وخذاني وكبرت وتعلمت والحين
انا طالبه جامعيه بس عايشه بظلم وقهر :قرون:
الي هو مع زوجة ابوي الي كل يوم تظلمني وتعذبني بحياتي
وامي كل ما اكلمها تقول لي تعالي عندي عيشي
ونا جالسه بين نارين مع امي او ابوي :55:

مع العلم اني اموت بابوي وامي بعد بس ابوي يتغاظى عن اشياء كثيره عن زوجته الثانيه :خايف:

يعني احيان اشكي له ويرد علي ابوي ويقول هونيها وبتهون
وماهانت لي سنين ونا عايشه بعذاب :قافله معه::55:

وش اسوي ؟؟؟ :قافله معه:
اروح لامي واترك ابوي الي اموت بماطا رجله ؟؟ :55:
مع العلم ان زوجة ابوي مقفله علي كل شي
حتى الانترنت بالموت ادخله واعبر وافضفض لخوياتي :خايف:



هـ أسسمعي يآ أومــي :(

هذي حرمة أبوتس مآفيهآإ رحمتن ....ومن آلنآإدر تلقين حرمة أبو تحن على عيآل زوجهآإ :(


إنتي عآمليهآإ زين..بس إن مآفآد ألعني خآإمسسهآإ وريهآإ آلعين آلحمـرآ :22:

وعقبهآ بتخآإف منتس وقسسمن ...:22:

وشوله تمنعتس عن آلنت ...مهب من حقهآإ إبدن

قولي لأبوتس يآ أنآإ يآإهي أن مآغيرت أسسلوبهآإ :111:<- مآعندهآ حل وسط

أقعدي فحطي بكي قدآم أبوتس خل يستشفق عليتس بأي طريقه

قولي له يبه آنآ بنتك حرآم إلي قآإعدن يصير لي :(

لأيمتى وآنآ بصبر..قولي لأيمتى:(<- متأثره بآلمسلسلآت آلتركيآه :وه:

نصيحتن لآتآروحي عند أومتس..ترآإه ألأبو غير مهمآ كآإن ..:(

محد بيتحمل مسؤليتس قد أبوتس :(

حرمة أبوتس حآولي تكسبين ودهآ ..أنظري لهآإ بنظرة آلأمومه كودهآ تحن عليتس..!

,

[فاهم غلط]

كان الله بعونك ..
لعل وعسى طيشة غضب مثل مايقولون وراح تتغير مع مرور الوقت
حاولي قدر المستطاع تحاشي الكلام معها ..
والله يستر عليكِ ويرحم ضعفك :ق:

[حـرحـيـش]

آحلى من الع ـقد ... " :ورده:

بسم الله الرحمن الرحيم

آلسلـآم عليكم ورحمة الله وبركآته

كآن الله في عونك أختي الكريمه .. " :ق:

:خايف:

... { الصبر مفتآح الفرج :ق:

أختي الكريمه ... :

آولـآ .. أكسبي قلب مرة أبوك وحآولي أنك تحسسينهآ بأنك تحبينهآ
وتريدين أن تكوني قريبه منهآ .. أكسبي كل لحظه حآولي تكسبينهآ
بـ الكلمه الطيبه ... ~{ :ق:

ثآنياً .. حآولي أن لآ تبينين لـ أبوك بآنك متضايقه منه .. أو من تصرفآت
مرة أبوك أو لآ تبينين أنك علمتي أبوك بـلي تسويه فيك ... ~{ :خايف:

والله يكون في عونك والله يصبرك ... " :ق:

تقبلي تحيآتي ... :ورده:

[® RoSe]

يابنت الحلال هذه الدنيا
مافي احد مرتاح


مالك الا الصبر
وصدقيني مابعد ضيقه الاالفرج
انتي عليك بالدعاء واشكي حالك للي ماتنام عينه

والله يكون فعونك
ويفرج عنك كربتك وضيقتك

وتذكري ان فيه ناس حالهم اردى والعن من كذا
وشوفي مصايب غيرك تهون عليك مصيبتك

الحمدالله على كل حال

بس انتي خلي املك بربي كبير
ولاتيأسيييين بيجي اليوم اللي بيتغير فيه كل شي
اذا مو في الدنيا في الأخر ان شاءالله

والله يعوضك يارب

والحمدالله

[دليع]

<- جآبت آلعيد ثم مسسحت :22:

[مـدري]

الجائي لـ عمامك او اخوانك ان كان لتس اخوان وعمام !
اشكي لهم بعد الله يمكن يقدرون يفيدونك بشي
عليكِ بالصبر ياخيه وبيت ابوتس اولى ومرت ابوتس بالاسلوب تجيبين راسها : )

[ღ فدا عيونيـ وبس ـ ღ]

أنـــــــا أشــــوف ان كل شخص وله مفتاح
حاولي تدوري على المفتاح المفقود لزوجة ابوكي
واكسبيه

واذا مالقيتي هالمفتاح وكانت العيشة صعبة
روحي لامك
لان قلب الام مايقسى

وبالنسبة لزوج امك اعتقد
انو الرجال في الغالب مايدور المنافسة مع بنت الزوجة
بعكس زوجة الابو
اللي تغااااااااااااار دايما
وينعكس هذا على الحياة

مع انك لو حاولتي تكسبي زوجة ابوكي
تاكدي انك وصلتي للحل

حااااااولي تقنعي نفسك انك عايشة مع امك مو مع زوجة ابوكي
مهما كان تعاملها
وان شاء الله رح تتاقلمي مع الحياة

[أحلى من العقد]

:و1: مساكم ورد حبايبي

أنا حبيت أوضح شي بسيط هنا ( انه ) أنا مو صاحبه القضيه
في بعض الاخوان صار عليه لبس ( يفكر ) أنه انا صاحبة المشكله
أنا نزلتها بأسمي فقط ،،،، حفاظاّ على سريه ( هوية ) صاحب المشكله

>> وإلا أنا أبوي الله يرحمه ( ما خذا غير أمي ) كان يحبها :ورده::ق::55:


**************

طيب
وهذا رأي أحد من المهيصين ( العزيزين على قلبي )
أرسلي رأيه في الموضوع برساله خاصه ،، ما أعرف ليه ؟
يمكن عشان مايوضح انه يمر بنفس المشكله !! عذره معه :ق:
أليكم رأييه ::

***** *****


شوفي حبيبتي أول شي الله يهون عليك يالغآليهـ ويفكـ ضيقتكـ ..:ق: :قامط:
أنآ لمآ قريتـ قصتك قريبهـ من قصتي :قامط: لكن أنآ عآيشهـ عند جدتي ( أم أمي ) يعني لاعند أبوي ولاعند أمي وعندي من أمي وأبوي أخ وآحد بس أصغر مني بسنتين بأول ثآنوي ألحين وأنآ بأول جآمعهـ ..:ورده:
بس أخوي خذهـ أبوي السنهـ هذي عندهـ وكآن يبي يآخذني بس أنآ رفضتـ بعد هوشهـ كبيرهـ صآرتــ وأخوي الحين مو مستانس هناك أنآ عآرفهـ أني إذآ رحتــ عندهـ مآرآح أستآنس .. إذآ كنتــ بس لمآ أروح عندهمـ أسبوعين وأرجع تصير مشآكل بيني وبين زوجته فكيف إذآ عشتـ عندهـ بآقي عمري .. مع العلمـ ( إنهـ يوقف مع زوجته مهمآ كآنتـ المشكلهـ وحتىآ لو صآرتــ هي اللي غلطآنهـ مو أنآ) ..
:ورده:
فأقولك أنآ إذآ كآن عندكـ جدهـ سوآء أم أمكـ أو أم أبوكـ عيشي عندهآ صدقيني بتدللك وبترتآحين لامن زوجة أبو ولا من زوج أمـ ومصرفك خلي ابوك يرسله لك كل شهر.. وروحي أجلسي عند أبوك أسبوع شوفيه وأرجعي يعني روحي لهمـ زيآرآت بس ..
وديري بالك تحطين راسك براس زوجته مهما كانت حجم المشكله لأنها صدقيني بتقلبها عليك عند ابوك ولاتراددينها أبد أبد ..:ورده:
شوفي يابعدهـ:ق:ـم أنا ماأقترحت عليك هالأقترآح إلا لأني مجربه وعآرفهـ حجمـ معآنآتك..
وأبي أنبهك على حآجهـ بعد ((( درآآآستك ))) أنتبهي وأحرصي عليهآ زين وحآولي أنك تدخلين قسم له مستقبل مضمون وكبييير عشان بكره مآتحتآجين إلا لله وبس ..
والله يوفقك يالغلا ويثبتك على الراي اللي يريحك .. :ق: :ورده:
وفكري زين قبل ماتتخذين أي قرار.. :غ: :ق:
تحيآتي لك .. أختكـ اللي تتمنى لك الفرج :ق: :لولي:



**************************


أشكر تفاعلكم الطيب :ورده:

وعساككم على القوهـ حبايبي:ورده:

بلساني أنا أحلى من العقد ولسان صاحب المشكله :ورده:

[A3BoOd]

أولاً : الله يكون بعونك ويفرج همك

ثانياً : تأكدي أنه لستي الوحيدة اللي تمر بمثل هذه المشكلة

أغلب الناس عندهم مشاكل كذا وهذا شي طبيعي اللي يصدر من زوجة أبوك

ثالثاً : شي طيب أن علاقتك مع الوالد زينه يعني تقدرين تقعدين معاه و تشرحين له وضعك مع عمتكـ اللي هي زوجة أبوك الثانية باسلوب طيب مايثير المشاكل بينه وبينها بسببك

رابعاً : أمك ثم أمك ثم أمك لازم كل يوم تزوريها ولا تشغلينها بمشاكل زوجة أبوك الثانية عشان ما تزيد المشكلة


خامساً : زوجة أبوك الثانية خذيها على قد عقلها وأصبري عليها حتى لو ضايقتك في أشياء حاولي أنك تتقربين لها وكل ما تضايقك تبسمي بوجهها ولا تعانديها عل وعسى تتغير حالتها معاك



أخيراً أتمنى لك حياة سعيدة



وشكراً لكِ / أحلى من العقد

[عـفـوآ..]

الله يكون بالعون..بس نصيحتى لك انك تبقين عند ابووك..
انا اشووف كيذا لانو اذا رحتى لاامك ماتدرين هل زوجها بيتقبلك ولا؟

خليك على مجنونك لايجيك الي اجن منه..
http://www.shy22.com/upfiles/qX806118.gif

[SaRa..}]

وش بقيييتــووو عششان أقوول .!!!


كــل ششي قلتـوووه .!!


:22: ..

[NōFaH]

<< ايه والله انتس صـآأدزه :1:

[m!ss FofO]

والــلــهــي انـــا مــعــكــم
حـــآولــــي تــــكـــســـبــيــنــهــآ
لان الـــعــنــاد وربــي مـــآيـــجــيــب لـــك الا الـــضــرر بــدال مــآيـــنـــفــعــك ،
وبــمــا أنـــك كــبــيــرهـ
تــقــدريــن تـــصـــبــريــن بــمــا أنـــك صــبرتــي كــل هــ الــســنــوات
أصـبــري لـــمــآ يــجــيــك الــرجـــل الــصــالــح الــي يـــحــبــك ويــــخـــاف عـــلــيــك <~ هــذي دعـــوتــي لـ بــنــات خـــالاتــي ـهــهــهــهــهــهــهــهــهــهـ
وخلـــــــيــــــــهــــــــــآ وعــــــــلـــــــيـــــــهـــــــــــآ
وأكسبي محبتهـــآ
يالله بـــــشــــوفـ ضـــحـــكـــتـــك
مــآبــي الحــزن هـــذا
ومـــثـــل مــآقــلــنــآلـــك أكـــســـبــي مــحــبـــتـــهـــآ
وتـــرا الــعـــنـــآد مـــآيـــــجــيـــب الــآ الــــمـــصـــآيـــب
والــلـــه يــكـــون بـــعـــونـــك
ورآح أدعــــيــــلـــك بـــ كـــل صـــلآهـ أصـــلـــيــهــآ
والـــلـــه يـــفـــرج عـــلــيــك وعـــلـــى كــل مـــســـلـــم يـــآرب

[مشآعر مكبوته]

شوفي ياقلبي الأفضل تبقيين عند ابوك لا صرتي تحبينه ويحبك لانه صعب تعيشي عند أمك عشان زوج أمك وصدقييني ياقلبي كلاام وأفعااال الحريم أهون من كلام وأفعااال الرجااال تحملي مره ابوك عشانه ولجل عين تكرم مدينه والله يكون بعونك ويفرج همك وهمي مافيه أحد مرتاااح :خايف::خايف::خايف::خايف::خايف:

[اوركيـدآ,,]

يآبعدي انتي :(


::


يختي اقعدي معهـ مره
قولي انتي ليش تعآمليني كيذا
انآ \{ شسويت لتس ؟ :خايف:

المفروض مآيصير ببينآ تسذا
انا وانتي عايشين بيت واحد ونصبح ونمسي بخشش بعض
ومرت ابوي وبحسبة امي :ق:
وانت ام اخوآني <~ جآبت عيآال هي ؟ :22:



المهم صارحيه
قولي يابنت الحلال وش بلآتس علي
ذآبحتن حدى عيالتس انآ :مضروب:




وهـ يآقشرهـ اللي تسذا :خايف:
يآحلييييلمرت عمي بس :22: :ق:

زين انه تدري اني عآيشه مع بالبيت :111:



الله يعينتس يآقلبي :ق::(

[ღ Řōō7 Řōō7y ღ]

والله اشووف انك تجلسي عند ابووك ...

وزوجتـ9 ابووك تقدرين انتي توقفينهـآ عند حدهـآ اذا حسيتي بمضآيقآت اكثرٍ ...

وان شآء الله يجيك الفرٍج وتروحين لبيت زوجك ..

تحياتي لك

[Buzy]

عسى ربي يوفقك
وانا اشوف انك تسكنين عند امك ولا العذاب اللي عند ابوك وحاولي يوم في الاسبوع تجين وتنامين عند ابوك او تجينه من الصبح وتطلعين آخر الليل

[mash3al]

الى أختي صاحبة المشكله :
اولا:حاولي تكون علاقتك مع مرت ابووك حلوه يعني اجلسي معاها واطلعي السوق معها يعني سوالفكم يالبنات :ورده:

ثانيا:اذا خلالالاص ماتقدرين تتحملين روحي لامك احسن لك من هالعذاب :يازيني:


تحياتي :مشعل :ورده: