---_سولفيـــني لـ { البنات }_---

[ммỗ₤]

علمتني المترفـه : وشلـون احـس انـي ثـري !!**..**نصبّتنـي عرشهـا ،، ونصبّتهـا عـرش الحصـيـر

بس انـا .. علمّتهـا بصدقـي واصالـة جوهـري :**..**كيف يحتاج الغنّي .. لخبـزة إحســآس الفقيــر

اشعلي يـا نجمـة العشـاق - ليلـك – واسهـري**..**امشي بنفـس الطريـق .. وجرّبـي نفـس المصيـر

وبلّغـي صـادق تحياتـي / لحـزنـي ، وقـهـري**..**يوم كان الشـوووق لا يرحـم .. ولا عنـدّه ضميـر

وان تعبتـي مـن دروب العشـق واضنـاك سفـري**..**اذكريني .. تستريـح : الريـح / ويطيـب : المسيـر

واذكـري .. تاريخـي المـوؤود بانقـاض دهــري**..**شهقــة : الخطـوه ( الأخيـره ) .. طيحـة : الحلم الكبيـر

رحلة آمالـي .. فتـآت آورآقـي .. آطـلال صوري**..**سكـرة اشعـآري .. رمآد ضلوعي .. احسآسي الوفيـر

وغدرك اللي .. ما احترم صدري ، ولا صان ظهـري**..**وطعنـة ٍ مـن يومهـا مـا مـرّت ايامـي بخـيـر

طيـري بسـرب امنياتـك .. واوصلـي للمُشـتـري**..**وإنثـري خوآطـرك .. فـي واحـة الليـل الضـريـر

آذبلـي .. وتسـآقطـي .. وتكـسّـري .. وتبـخّـري**..**وآمطـري علـى جـدآر الذاكـره / كحــل وعبـيـر

سولفيـنـي للبـنـات الـيـا تقـصّـوك خْـبـري**..**لا صدح ضحـك العـذارى وجلسـن حـول الغديـر

كـآن .. يـآ مـآ كـآن .... / وتغصّ الحروف ، وتنقري :**..**( سالفة حزني ) بصفحة خـدك : الدمـع الغزيـر !!

كان شاعر – غيـر – لا ابـو الطيّـب ولا البحتـري**..**كل ما قال : آآه .. جمهـوره مـن الفرحـه .. يطيـر !!

كانـت افكـاره : كنـوز ٍ توهـب ومـا تنـشـري**..**يجتمـع علـى موائـدهـا المـشـرّد ، والأمـيـر

اصبعه لا من كتب على الـ/ ثَّرَى .. يُصبح / ثََـرِِي !!**..**كيف اجل لو ينظـم ابياتـه مـن خيـوط الحريـر ؟!

كـآن .. يـآ مـآ كـآن .... / ويسافـر سرابـك لنهـري**..**وتشهق بصـدرك طيوفـي مـن ورا ضلـع ٍ كسيـر

فـارس ٍ باسـه شديـد ، ويسكنـه قلـب ٍ جــري**..**ولا رزَقه الله ..حصـآن آبـيـض .. ولا سيـف ٍ شطيـر !!

سولفيـنـي وان تغشّـتْـك الـدمـوع ، اتـذكّـري**..**يوم كـان الحلـم نهـر .. وكانـت عيونـك هديـر

ويوم كنـت آخـاف مـا يعجـب عيونـك مظهـري**..**وانحني منشـان مـا يفضحنـي الثـوب القصيـر !!

آسألـي كـل الشـوارع ، والحدايـق ، واظفـري !!**..**كيف كنت بكل يـوم اهديـك ( بآقـة ورد ) غيـر ؟؟

كنت آوقّف بآخر الشآرع .. وآرآقـب .. وآحتـري ..**..**ليـن يهـدآ الجـو .. وآنتقّـى لـك الـورد النظيـر

كل ما امـر بْرصيـف يقـول : خلّصـت زهـري !!**..**وكل ما اقطف ورده .. اللي جنبها / منهـا : تغيـر !!

إسألـي شباكـك الـوردي .. وش اردى بنظـري ؟؟**..**لا قعـدت الـف قبلـة بيتـكـم كـنـي غفـيـر !!

كنـت احاصـر غرفتـك بجيـوش عينـي وبصـري**..**كـن لـي عـش ٍ بشباكـك وكـن العيـن طيـر !!

آآخ .. لـو عشتـي إنتظـآرآتـي ، وشفتـي منظـري**..**لا سألنـي جاركـم : وش بـك هنيّـا تستـديـر ؟؟

و- المصيبه – دايمـاً عـذري : مضيّـع دفتـري !!**..**يبتسم ، ويروح – وانا مصدّق انْ عذري خطيـر !! –

و ، بس يدخل .. اسمعه يضحك بصـوت ٍ مُـزدري !!**..**- ( حنّا بالعطله ، وصاحبنا على الدفتر سهير !! ) -

اسألي الجــدرآن .. عـن خـط ٍ عجـز لا ينقـري !!**..**علّـم الجـدران ( مالـم تعلـم ) فـ بـوٍوٍِوٍوٍح الضمـيـر

اسألي إمــي .. عـن كـدر بالـي وضيقـة خاطـري**..**لا سألتني: يـااا وليـدي وشبـك ؟؟ .. ورد .... الزفيـر

السـواد اللـي علـى جفونـي مـن آثـآآآآر سهـري**..**لـو عرفتـي كيـف كحّلنـي بـه .. الليـل المريـر

كنت لا جا الليـل .. قلّطتـه علـى الجفـن الطـري**..**ليـن نصّبنـي السهـر لعيـون خلـق اللـه سفيـر !!

وان نفانـي للسهـر - يـا مترفـه – حكـم قـدري**..**هالسهر يـا مـا نفـى لـي مـن ضحايـاه الكثيـر

والبيـاض الـلـي تشوفيـنـه تنـامـى بشْـعـري**..**من مظاليمه : هـلال اعـرج / ونجـم ٍ مستجيـر !!

يـا رُفـات الطيـش فـي تابـوت الاحـلام البـري**..**من خذلنـي بالبدايـه .. كيـف اصونـه بالأخيـر ؟!

ما بقى لـك غيـر بعضـي .. واستميحـك باكثـري**..**ضاع .. مثل النور لما ضـاع عـن عيـن الضريـر

مثل ما ضاعت عصافيـرك عـن اغصـان شجـري**..**مثل ما ضاع الامـل عـن صبـح شباكـي الصغيـر

وما بقى لك غير سالفتـي .. وشعـري .. وصـوري**..**سولفيهـن للشمـوع الحمـر .. والفـرش الوثيـر

لـ آلستـايـر .. لـ آلأسـاور .. لـ آللحـاف السكّري**..**للهدآيآ .. للتحـف .. للمزهريّـه .. للسـريـر

واوعدك .. وقت الحصاد .. اتجاهل الجـوع / العُـري**..**بس لاجل اكتب حـروف اسمـك بحبـآت الشعيـر !!

ولاجـل اعلّـم هالـزمـان المستـبـد العنـصـري **..**كيف يحتاج الغنّي .. لخبـزة إحسـآس الفقيــر !!



لـ خلف صالح الكريع