أصبح [التصنع]مهاره للأسف

[بقايا جرح الزمن]

http://farm2.static.flickr.com/1014/1449423536_2b29e1d5f8.jpg
يسعدلي مسآـآكم
التصنع بكل أشكاله وصفاته صفه تنزع وتهتك شخصية الأنسان بكامله
في هذا الزمان
نرى التصنع
بجميع انواع
بجميع تصرفاته
اما تصنع بالمظهر
و
اما تصنع بشخصيته
امام الناس بشخصيه وامام نفسه بشخصيه اخرى
كثير نقابل أُناس لاتعجبهم [اشكالهم] [شخصياتهم][ انفسهم ]بكاملها
هنا نطلق عليهم
بأنهم يفقدون الثقه بأنفسهم
ولم يجدو من يعزز الثقه لديهم
هنا
نجده يجلس مع نفسه قليلاً ويأخذ من كل أُناس يجبهم شخصيه
فيُعبأ رأسه بها
نراهم يبدئون بتغيير نبرة اصواتهم بتنعيمها والتدلع>>المشكله ع ناس ماتليق ويوضح انه تصنع:22:
ويبدئ بتغيير شخصيته عند الناس
بأنه أنسان يحب الجميع
وأنه حنون
لكن يصبح اهتمامه بمضهره من الأولويات>>غريب:52:
ويستمر بالعيش في تلاعب نفسه وتلاعبه مع الناس
فيوما بعد يوم ويتلاشى في يوماً من الأيام
لكن انا أرى من يقع بهذا التصرف
أولاً
فقدان الثقه بنفسه
لم الشخص يفقد الثقه بنفسه يعتقد ان كل تصرف يصدر منه الناس يعيبون فيه
او اي مظهر يخرج به عند الناس يظن ان الناس ينتقدونه
فهذا يهتك الشخصيه بكاملها
ثانياً
يعيش بفراغ قاتل
بالفعل الفراغ له دور مهم
لم تجلس مع نفسك لو يوم واحد بس شوف كيف راح تطلع عيوبك وتشكك بنفسك فما بالك لما تعيش فراغ لفتره معينه
لكن انا الان مستحيل راح احكم ع كل شخص متصنع بأنه كذا وكذا وماالى ذلك
لأن لكل شخص ضروفه الخاصه
التي جعلته يسلك ذلك التصرف
التصنع
كتاب مفتوح وواضح جداً
هو ممكن يمثل ع نفسه بس ماجلس يمثل ع غيره
الصراحه يؤسفني اني اشوف هالتصرف منتشر وبكثره بمجتمعنا
هنآـآ لكم أنتم
*ماهو التصنع بنظرك؟
*وهل مررت بأناس مثل ذلك؟

عبق حروفي/::ق:
بقايا جرح الزمن

[™]

مكاني :22:


أخي الفاضل { بقايا جرح الزمن } .. :ورده:

شوف يا حبيبي ..

الإنسان ما تظهر شخصيته الحقيقية إذا كان لحاله ..
تظهر الشخصية الحقيقية في المواقف ..
ولها أبعاد لازم نقيسها ..
قديماً كانوا يقولون في السفر يكشف معادن الناس .. ليـه ؟؟
لأنه طويل وشاق وياخذون بالشهور وهم مسافرين ..
ويشوفون بعضهم في عدة مواقف .. { قمة الغضب ، قمة الفرح ، قمـة التعب ، قمة كل شي .. }
أضف إلى ذلك طول المدة اللي يقضونها مع بعض ..
بالشي هذا تعرف الشخصية الحقيقية للي قدامك ..

انت حطيت صورة قناع في بداية الموضوع .. وأنا أشوف إن كل واحد فينا عنده عدة أقنعة يلبسها على حسب الموقف اللي يمر فيه ..
إذا انت يا بقايا جرح الزمن ، شاب تحب اللعب والضحك ومن طبيعتك وشخصيتك المزح ..
هل تمارس هالطبيعة أمام مدير المدرسة أو دكتور الجامعه ؟؟؟
أكيد لا ..
اسأل نفسك .. ليه تخليت عن طبيعتك في الجامعة أو المدرسة . أمام الدكتور أو المدير ؟؟
لأن الموقف يتطلب ذلك ..

التصنع بشكل مطلق .. أحيان يكون شي جميل وأحيان يكون شي سيء ..
شي ماله ضوابط محددة ..
لازم نكون متناقضين مع أنفسنا .. مثل ما يتطلب الموقف ..
لازم نكون متلونين ..
على حسب الحالة اللي قدامنا ..

أكيد بتقول كيف .. يالله قول كيف .. ما سمعتك ؟؟ شكلك قلتها وانا ما انتبهت <-- على تبن يا مزعج :52:

طول الله عمرك التصنع بنظري .. هي أداة للتواصل بين الناس ..
لأنك لو تفكر فيها من زوايا مختلفه راح تشوف كيف إن بعض الناس ما راح تتقبلهم على طبيعتهم .. وأنت مو مجبور تتقبلهم في جميع الأحوال .. لكن يجبرك الوقت أحيان لتقبلهم غصبن عليك ..

مثال للتوضيح ..
لو جاك واحد أخلاقة سيئة وكلامه فاحش و بذيء وحركاته طفولية { هذي طبيعته } ..
ودك إنه يتصنع الاحترام والتهذيب ، لو بس الفترة اللي يكون معك فيها .. بعدها يرجع لزبالته { وانتم بكرامـه } ..

لكل مقام مقال وأنا أخوك .. أنا طبيعتي ما تظهر إلا عند الأصدقاء والمحيط القريب مني ..
لأنه من الاحترام والتقدير للي أمامك أنك تعاملهم بأدب وذوق ..

أنا أحب المزح والضحك .. لكن موب في كل موقف ..
أنا محترم إذا الموقف اللي قدامي يتطلب الاحترام ..
اتصنع الحلم والأدب إذا كنت في موقف ما أعرف عواقبه .. أو أخاف من عواقبه ..
أتصنع الحكمة والذوق إذا كنت أتوقع إن اللي قدامي ممكن يستفيد من هالشي ..
يعني نفس نظامي في هالقسم :22:
مسوي فيها أنا الحكيم واللي عنده خبرة وينصح ومدري وشو .. وآخرها نصاب ما عندي سالفة .. :ضحكـ:
جد وانا أخوك .. لازم نلبس أقنعة ما تضرنا ولا تضر غيرنا ..
نلبسها عشان نعيش حياة حلوة ..

بس للعلم ..
الجانب الجيد والسيء من التصنع .. يصعب التفريق بينهم ..
مثل ما قلت في البداية ..
اكتشاف الشخصية الحقيقية للإنسان .. يبين لك نوع الأقنعة اللي يلبسها .. ونوع التصنع اللي يمارسه ..

تبقى هذي وجهة نظري القاصرة ..
ولك جزيل الشكر .. :ورده:

[بقايا جرح الزمن]

عزيزتي
مفهومي هنآـآ بـ[التصنع]
اما تصنع مظهري واما تصنع بشخصيتك القياديه
طبعاا انا راح اذكر امثله ع مواقف اشوفها وبكثره
شوف عزيزي
انت قابلت شخص مو من عوايده هذا طبعه او هذي تصرفاته
وتشوفه امام الناس انا احوبكم وانا اتمنى للجميع الخير وانا انسان حبوب وانسان حنون ومسالم
وتشوفه لما يجي احد يهزئه ومدري ايه وهو يسوي نفسه انا مسامح وماراح ارد عليه وماالى ذلك ومااتوقع تخفى عليك هالتصرفات
طبعاً هو ليه سلك المسلك هذا
ممكن سواء كانت فتاه اكيد في مناسبه كبيره وعند ناس نوعاً م غريبين وطبعا هي ذكيه تبغى تبرز نفسها انها الافضل من بين الكل فتلجأ بالتصنع بالاشياء الي ذكرتها
لكن نرجع لو كان شاب ليه سلك المسلك هذا ممكن يكون [للمصلحه]
مثلا هو خابر ان بيروح اليوم جلسة شباب ومن ضمنها اليوم راح يجي واحد راي واسطه ولا اي شي هو يبيه منه
تتوقع راح يبقى ع شخصيته بيتصنع شخصيه ثانيه
سواء بالمظهر تلقاه مو من عوايده يتكشخلك ذيك الكشخ
ومو من عوايده يكون الاأسلوب عنده متكتك>>متعوبه عليها هالكلمه:111:
وتشوفه يوه يخليك ملك قدامه
بالهي هذا مانطلق عليه تصنع
يعني قدام الناس الي نبي منهم شي بوجه
وقدام انفسنا والناس الي متعودين عليم بوجه اخر
ومعليش
اوك انت ذكرت ان الشخصيه تختلف من مكان لمكان ومن ناس لناس
ماتعتبر هذي اغير من شخصيتي اغير من اطباعي قدام الناس
يعني مثلاً انا عندي صفه اني اوب محترمه ومعروفه عني هالصفه
واجي لمديرتي واحترمها عشنها مديره او اجي لمدري مين لأنه ماسك منصب كبير واحترمه
الي له طبع مايتغير
والناس تختلف
لكن اني البس عند ناس قناع وعند هذا قناع وكل شخص له قناع هذا يهتك من شخصيتي انا
حلو اكون بصوره وحده قدام العالم كلها

[الهواوي]

بسم الله الرحمن الرحيم


يقول شكسبير : [ الحياة مسرح وكلنا ممثلون ] !

التصنع عملة نادرة من يملكها سيملك الكثيرين في صفه .

خذيها مني وقولي الهواوي قال لي : تصنعي وتعلمي التصنع .

التصنع شي ضروري , يعني مثلآ مديرك عارف أنك منسم لكنه يبغاك اذا تكلمت معه تكلمه باحترام يعني يطلب منك تتصنع !

وواحد ثاني يبغاك تطيح الميانة معه , لكنك تصر على التصنع معه , في الحالتين نوع العلاقة تفرض عليك نوع التصرف هل تتصرف على طبيعتك أو تتصنع , تبيها - يبيها - رسمية أو البساط احمدي !

هذه هي مفارقات الحياة العجيبة والتي تثري التجربة الانسانية , فالانسان ليس كائن جامد , او ثابت , الانسان يتطور ويتغير ويفكر ويعمل بحسب المواقف .

هنا أذكر حديث الرسول صلى الله عليه وسلم : " إبكوا فإن لم تبكوا فتباكوا" رواه ابن ماجة .
فحتي ديننا الحنيف يوجهنا بالتصرف المناسب في المواقف المختلفة , و( التفاعل ) بحسب الموقف .

في رأيي الشخصي التصنع أحد صفات الشخصية الناجحة .

شكرآ جزيلآ :ورده:

[بقايا جرح الزمن]

عزيزي التصنع يفرق من شي لشي
لكن تجد البعض امام الناس طبعاً خارج نطاق البيت بشخصيه ومتقمصه بعنايه
لكن بالبيت لا
بالعكس حلو الواحد يكون ع شخصيه معروفه عشان يقدر يعزز ثقته بنفسه مو كل عند فلان وعلان لي شخصيه والطبايع تتغير عشان الناس ليه ارضيهم ولا ارضي نفسي
بالعكس خليك ع شخصيتك هنا راح ترضي نفسك وراح ترضي غيرك
بلاش نشوف الأقنعه بوجيه الناس
وربي ماجابو الخير الا الضرر للمجتمع
ومااتوقع في انسان يكون محترم عند ناس وناس لا
حتى لو كان بعض الي اتعامل معهم مايستحقون الاحترام
لكن تربيتي واخلاقياتي تفرض علي كل شي

مو عشان هذا مدير او شخص ثاني ماسك منصب كبير لازم اكون لبقه معاه
ليه مااكون لبقه ومحترمه مع العالم كلها
خلينا نتكلم بشئ منطقي
مو عشان هذا ماسك منصب ولازم له معامله خاصه
خليني
اطلع بطبيعتي سواء كنت مو محترم/ـه هذي يراجعلك انت
بس انِ اكون عند ناس وناس بشخصيه
أسفه
هذا تفكير اوب منطقي ابداً
وطبعاً والكل واسلوبه وتعامله مع الغير

[ناويتها نيه]

دايم افهم الموضوع من جانب صاحب الموضوع ويجي TM ويقلب المقايس ويقلب راسي واحس اني ماصرت فاهمه الطبخه :22: :59:




بقايا كأني فهمت من وجهة نظرك يعني زي حليمه بولند هي مهيب دلوعه وتتصنع :22: <<------ لاعمرك تفكري :ث: :ضحكـ:




فهمت نظرتك... :ق:


وفهمت نظرة Tm والهواوي وبصراحه كلكم معكم حق ... ( احترت ) :ث:



إن جيت لك لقيت بنظرتك شي من الصواب :ق:



وان جيت لـ tm والهواوي نفس الحكايه وجهة نظرهم منطقيه :ق:


:52:



وان جيت لنفسي :22:
اشوف التصنع له ناحيتين ..

احيانن يكون لـ ( مصلحه ) فيفرض عليك ..


وإنتي لو كنتي بالموقف راح تشوفي إنك مضطره تلبسي الوجه الثاني :وه:







وبما إنها اسهل طريقة لإيصال وجهة النظر ضرب الامثال راح اضربلك امثال منا لبكره عشان


مااشوشر ذهنك وتوصل نظرتي بالشكل الصحيح :22: :ق:


1\انا انسانه بطبيعتي مسالمه الصفح والعفو من صفاتي وطيبة القلب تميزني. بحياتي ماضريت انسان .. جاء واحد وضرني مره ومرتين .. وقتها لازم اتصنع الشر وأخذ بحقي :22::ق:


2\ انا انسانه بذيئة الخلق التعامل السيء يميز طباعي .. محد يخاويني ومحد يكلمني بسبب سوء خلقي :ث:

بيوم ربك سهلها وعرضت علي وظيفه والحمدلله توظفت :ش:

اخلاقي الخايسه لابد إني اغيرها مع مديرتي واتعامل معاه برقي تام عشان اعيش وعشان لقمة عيشي عنده ...... طبعي شين وماقدرت اغيره وقتها لازم اتصنع المثاليه عشان حاجتي عنده




وغيرها من الامثله



لكن نجي للناس اللي تتصنع وودك من يلقفها كف على ذا التصنع :وع:


وحده تعرفيها سنين وهي دبشه عفشه او تكون عاديه فجأه تجيلها بعد كم سنه تلاقيها صارت دلووعه مووت بس مو بشخصيتها هي تتصنع الدلع :22:



وحده مو من صفاتها الفزعه ولا من صفاتها السناعه .. بل هي بديرة والسناعه بديرتن ثانيه :22:
وجاتهم حرمه وسمعت انها تدور لولدها على بنت حلال .. تقومي تشوفيها انواع التصنع تقرب

العشا وتشيل العشا ويعنن البنت العاقله البنت الواعيه المثقفه :22:



اخر نقطه
كثير احيانن اشوف ناس بالجاده ببعض المواضيع يتصنع المثاليه ويعنني انسان راقي وكل ماجاء

سؤال بموضوع هل انت تمتاز بهالعاده ... يقول لا .. وكل الموضوع تلفيق وتصنع


تجي تشوفيه بقسم ثاني يسوي الشيء اللي هو عارضه بقسم الجاده ... او روحي حتى لمدونته

وتلاقيه انسان حقير يتصف بصفات خسيسه مهوب مثل ماذكر بمواضيع الجاده :22: :52:


بس مجرد تصنع بالقسم ... وبمكان ثاني يطلع الوجه الصحيح له :وع:



وصلت وجهة نظري ... ؟ :عصله:

موفقه :ورده:

[بقايا جرح الزمن]

أولاً
نورتي عزيزتي
وجهة نظرك ووجهة نظر غيرك ع العين والراس
والنقاش لايفسد للود قضيه ابداً
ووجهة نظرك
اوك صح عليك
اتوقع ان مصطلح التصنع واضح
وواضح برضو متى اطلق ع الشخص هذا انه متصنع
في اشياء توضحلي الشي هذا
وبالعكس مثل ماذكرت لكم
التصنع
[كتاب مفتوح]
وع قولتك ضرب مثال بسيط لحليمه بولد بأنها تتصنع الدلع وهو خارج منها تماماً
هذي بكيفها تصير دلوعه ع نفسها
لكن المصيبه عندي الي يتصنع شخصيه عند ناس وشخصيه عند ناس ثانيه
>>أقتباس
وإنتي لو كنتي بالموقف راح تشوفي إنك مضطره تلبسي الوجه الثاني
االضرب المثال حقك انك انتِ طيبه وحنونه وجا من يضرك ع قولتك بتتصنعين الشر لايابعدي هذا مايعتبر تصنع
هذا جا بوقته انتِ أظهرتِ عصبيتك لموقف اثارك وقتها
ومافي انسان طيب وحنون بكل الاوقات
تفرض احيانا عليك العصبيه
بس هذي غريزه عند العالم كلها
عمرك شفتي احد ينهان ويسكت
عمرك شفتي شخص بحياته ماعصب>>مستحيل:22:

لكن مفهوم التصنع بختصار اظهر لناس شي هو مو بداخلي
وشاكره لك وجة نظرك

[™]

بقاياً :22:
أنا اكلمك على أساس إنك ذكر وأنتي تكلميني على أني أنثى :ضحكـ:

العكس وأنا أخوك :22:


شوفي أختي ..
إذا بمشي على كلامك .. وأترك التصنـع ..
ماراح ألقى وظيفة .. ولا أتزوج , ولا أفتك من مخالفات المرور , ولا أكمل دراستي ، ولا أنجح في حياتي ..

لأن كل هالأشياء تحتاج لتعامل خاص ..

مسعود إنسان لسانه وصخ .. و كل كلامه لعن وسب ووصاخه ..
راح هو وأبوه يخطبون فتاه حلوه مثلي :52::ضحكـ:
تتوقعين مسعود كيف راح يكون ؟؟
يتصنع الذرابه .. ولا يقول لأبو البنت : وش رايك تزوجني بنتك يالحبيب .!!
كيف بيجلس على بالمجلس ..
باحترام وذوق .. ولا يمد رجولة ويطلع سرواله الأصفر ..

أحيان يا أختي الكريمة .. الواحد إذا كانت أخلاقة سيئة أو طباعه كريهه .. الأفضل إنه يتصنع الأدب عشان اللي حوله يحبونه ..

موب كل الناس تنحب على طبيعتها ..

وأحيان إذا كانت الطباع تتعلق بالمعاصي لازم نتصنع البعد عنها .. لأن الرسول صلى الله عليه وسلم .. قال : كل أمتي معافى إلا المجاهرون .

الهواوي قال كلمة حلوه جداً ..
نوع العلاقه يحدد نوع التصرف ..
فعلاً كلامه هو الصواب ..

وناويتها أيضاً كفت ووفت .. تكلمت عن الجانب المضيء والجانب المظلم في التصنع ..

شاكر لك مرة أخرى .. طرحك الممتاز ونقاشك الرائع :ورده:

[تنآهيـد]

..


وحده مو من صفاتها الفزعه ولا من صفاتها السناعه .. بل هي بديرة والسناعه بديرتن ثانيه
وجاتهم حرمه وسمعت انها تدور لولدها على بنت حلال .. تقومي تشوفيها انواع التصنع تقرب

العشا وتشيل العشا ويعنن البنت العاقله البنت الواعيه المثقفه

نونو لا عاد تضربين آمثآل يرحم آمتس .. آحس كل بنات العآلم يبون يشكون في آنفسهم :ضحكـ:


بقآيآ :لولي:

هلا وغلا .. نورتي القسم يابعدي .. التصنع .. آآآيييه ومآ آدرآك ما التصنع

يعني شخص يضمر لك الحب والآحترآم .. وانا اللي قلبي عليك .. وانا اللي آخآف على مصلحتك وانا اللي اتمنى لك التوفيق

وكل ذا كذب بكذب .. لا عاشرتي الشخص عدل .. في موآقف انتِ غصب عنتس تتعاشرين معه .. تشوفين الشخصيه على بلاطه :22:

يعني شخص كذآب . نصآب .. ما يحب لتس الخير .. ماوده الخير يجيتس وهو لا .. يبي الخير كله له بروحه :22: تخيلي يعني بالله وش الحل مع هالشخص :59:

هذا مثآل من آلآف الأمثآل والعينآت عندنا بالمجتمع .. الله يعينآ عليهم والله

ما آكذب عليتس انا مرآت آتصنع عند الموآقف اللي لا تتمآشى مع شخصيتي :1: .. وقسم قسمآت آمشي ماعلي .. لكن في تصنع يجيب الطآمه

مثل آمثله ناويه وحآتم .. ما قصروا وقسم .. لكن آنآ بذكر لتس تصنع يجيب الضغط :لولي:

آنآ آلحين معآشره شخصه صار لها معنا عممر .. طيب .. !

جاتس الخير .. يوم انه جآتس .. قامت تعذرب فيه وتعذرب لين ما عفتيه .. وانتي كمخه على نياتس ماتدرين انها تسذوب :عصله:

آخر شي ما دريت الا هي حآيشه الخير ذا ولا كآنهآ تعذرب به قبل يومين :ش: .. آآخ بص

آسكتي لا تخليني انفلت وانا اتكلم عن التصنع .. بالنسبه لي اللي يزيد عن حده ويستخدم بشي سلبي يرفع ضغطي بشكل

وفيه تصنع بعد .. اللي يبين انه الولد الحنون الحبيب وانا الوآفي واللي ما بعدي بعد ولا قبلي قبل :عصله:

ويضحك على بنت النآس ... ويلعب بعقلهآ .. هذا وش يقال عليه ؟ .. مب تصنع مزمن ؟ ( مثل المرض المزمن )

موضوع رائع غاليتي .. والله يبعدنا عن التصنع السلبي .. وترى الانسان مهمآ كان فهو على طبيعته آجمل بكثييييييييييير من المتصنع

[ناويتها نيه]

أولاً
نورتي عزيزتي
وجهة نظرك ووجهة نظر غيرك ع العين والراس
والنقاش لايفسد للود قضيه ابداً


وشبك ؟ :ث:


على هالكلمه حسستيني اني زعلتك ورحت اراجع كلامي :22::ق:


احس اني فاهمتك بس ماعرفتي توصلي رأيك بوضوح تقريبا :52:

عموما في امور مانقدر نقول انها تصنع او نلبس قناع

هذي غريزه وفطره فينا

ولكل مقام مقال .. لازم الواحد بكل مجلس وبكل مكان يكون له وجه ثاني في التعامل

مع الدكاتره والمدرسين لازم نكون لبقين

مع اصحابنا لازم نطيح الميانه

مع عيالنا لازم نصير حنونين


وبالشارع لازم نكون شديدين :22:


و و و و ...الخ

أنا عن نفسي بالبيت لي وجه وبرا البيت اتصنع وجه اخر :اح:


في بيتنا عفوويه وعلى طبيعتي لأنه مهما حصل بيننا راح يكونون اهلي :22::ق:


لكن برا البيت لازم اتصنع اني انسانه قويه وحازمه واضبط تصرفات اللي حولي معي عشان محد يزودها :ش:


واضم صوتي مع صوت دقات الامثله اللي ذكرتها هي التصنع السلبي واللي كلنا نعارضه بالتأكيد

لكن فيه تصنع ايجابي وتلاقيه خصله بكل الناس زي اللي من اول نقوله :اح::ق:


برايفت دقات : الله يحفظك على هالعقليه النيره .. جبتيلنا الضايعه :22::ق:

[بقايا جرح الزمن]

ههههههههههه
عذراً خطأ مطبعي انا عارفه انك ولد بس نسيت وكتبت ع انك أنثى>
عزيزي/
>>أقتباس
شوفي أختي ..
إذا بمشي على كلامك .. وأترك التصنـع ..
ماراح ألقى وظيفة .. ولا أتزوج , ولا أفتك من مخالفات المرور , ولا أكمل دراستي ، ولا أنجح في حياتي ..
لأن كل هالأشياء تحتاج لتعامل خاص ..
ليه بالعكس مستحيل أنسان عالم فاهم
مايعرف يزن اسلوبه مع العالم كلها
اذا انا بعيش مع نفسي او بقنع نفسي
ان اسلوبي المعتاد ابداً ماينفع لمدرسه او وضيفه واما الى ذلك من ألي ذكرتها كذا ماراح اعزز الثقه بنفسي
معليش اتوقع انسان فاهم حتى وان كان ادج المخلوقات يعرف يزن اسلوبه مع الكبير والصغير
ولا احط ببالي ان في اشخاص يحتاجون تعامل خاص
عاد الا الي خلاص منتهي مرا
يعدل من شخصيته ويعرف كيف يتعامل مع غيره مو يروح ابوه ويخطب له ويعرف ان ولده كذا
معليش وش هالأبو
هذا عيب مجتمعنا وبعض العوايل يخطبون لأولادهم وهم عارفينهم انهم مو قد الشي هذا
يعني وين العقل يروح يخطب لولده وهو معروف عنه لسانه بذيئ وكلامه وصخ وابوه يحرصه يركد قدامهم وبعدين خلاص
طيب مصير البنت
عشان كذا
انا اقول
ليه مانكون ع صوره واحده
هذا الي ابي اوصله
وبالعكس اقدر اعيش حياتي مدام انا راضيه بشخصيتي

وعاد والكل وتعامله مع الغير

يخليك ربي :ورده:

[unavailable]

,

أنا اشوف ان الـ ( تصنع ) و الـ ( شخصية المرنة )

بينهم مقدار شعره ,


التصنع احسه يكون لكسب الاعجاب والشهره , وسعي خلف المثالية , لا اقل ولا اكثر ,


بس الشخصيه المرنه , اني اقدر بكل مكان اعطي على الجو , :22:

يعني لمـا اصير بالبريك بالكليه , غير لما اكون بالمحاظره ,

لما اجلس مع شباب أول مره اجلس معهم , غير عن جحلط اعرفهم لي خمس سنوات , :22:





بالنهاية , احس التصنع يكون بدون هدف معين , زحف خلف المثالية ,

والشخصيه المرنه , انك تقدر تتكيف مع المكان الي حولك بسهوله ,







لكم ~> :ورده:

[بقايا جرح الزمن]

كلام رائع
بالفعلـ
اختصرت معنى التصنع
بجمله منتقاه بعنايه
شاكره لك عزيزي

[بقايا جرح الزمن]

وشبك ؟ :ث:


على هالكلمه حسستيني اني زعلتك ورحت اراجع كلامي :22::ق:

لاوربي بالعكس كلامك درر يكفي مرورك ع متصفحي



احس اني فاهمتك بس ماعرفتي توصلي رأيك بوضوح تقريبا :52:

ههههههههههههههه يمكن

بالعكس انا اشوف كلام الكل صحيح
وفي ناس تعاملهم غير ويفرق وع قولتهم يضطرون
بس حتى ولو
فيه ناس يتقمصون الشخصيه صح ويمثلون ع انفسهم المشكله
لكن مثلاً ع قولتك انك بالبيت اكيد هبله ومدري ايه
وعند الناس لازم تضبطين نفسك اي صح عليك وانا معاك
شي طبيعي
بس هذا مايعتبر تصنع
لأنه شي طبيعي بالبيت حريه وعند الناس لازم اتمالك نفسي
لكن انا اتكلم عن الي يغيرون من شخصياتهم تماماً عند الناس ومن وراهم لا وياليته عند ناس معينه>>نوعاً ما من النفاق
في ناس يوصلون من جد كذا

ويخليك ربي ع تواصلك

[تؤبري تسبـدي]

:ش:

موزوع صرآحه لـآ يعلـآ عليييه

والله كثيير من هالنآآس نشوفهم تسذآ بس وش السوآآت معهم

حتى يعني من آشكآلهم وكذآ تدري انه كل هذآ تصنع

يعني والله صدق التصنع اوب زيين وحبذآ لو تكوون النآس على شخصيه واحد

يعني انا احيآنآ اضطر الـآ اني ابدل شخصيتي او اني اتصنع

لكن اوب حلـآ عآد كل من شفته وكل شخص وتسذآ تصنع عليييه

لـآ ومثل مآقلت بالعكس لو كآن الانسآن على شيء وآحد يكوون آحسسن :لولي:

انا لو اشووف احد على طبيعته احسن من التصنع وكذآ

بالعكس لو ادري بالتصنع كان انقهر يعني خيير :52::59::ش:

بس صعببه الحييين تلقى احد بشخصيه وحده

لـآ بالعكس كثيير يتصنعوون وشفت نآس بعد كثييره

وهذآ اللي يقهر احيآنآ ويشب التسبـد ~~> اعصآبتس

بس عآد احيآنآ احيآنآ اضطر ان اسوي هالشيء

لـآن اوب معنآ ان ماتصنع ابد ابد لـآ اتصنع لكن بحدود وبشيء معقول ويستآهل ~~> :52: فهمنآ

بس عآد الموزوع يفرك المخ شووي

ويبي له جلسسه طوويله وتحلييل

لـآن احيآنآ يصعب ان تكون شخصيتي وحده لـآزم تتغير لو مرآآت اوب على كيفك شيء غصب يعني :ابتسي:

تشكرآآت اخووي

صرآحتن موزوع اعجبني حييل

كآن ودي اتفلسف وكذآ ~> راعيه فلسفه :ش:

لـآتحرمنآ موآضيعك:ق:

[بقايا جرح الزمن]

عزيزتي/
دقات قلب
سكبتِ دُرر من لمساتك الذهبيه
بالفعل
وربي صادقه
هذا سبب تفكك المجتمع يرجع احياناً اننا نتصنع شي اكبر منا
ع قولتك تقابل شخص ماتعرفه زين ويووووه يصير ملاك عندك بالكلام الزين
واذا تعرفت عليه صح
تلقى احياناً اسوء الصفات مجمعه فيه
وربي هذا نشووووفه بشي ياللهول منه
وربي ويطول الحديث عن التصنع
وخاصه الي يغوص ببحوره
يلقى العجب العجاب
مع انه وااااااضح

[الهواوي]

TM :ورده:

التصنع احسه يكون لكسب الاعجاب والشهره , وسعي خلف المثالية , لا اقل ولا اكثر ,


بس الشخصيه المرنه , اني اقدر بكل مكان اعطي على الجو ,

نقظة نظام نتفق حولها ولا يجي احد يشطح تكفون :22:
بعض التصنع كما ذكرت اختنا دقات قلب يكون تصنع مؤقت يعني خداع وغش وهذا أكيد ما نختلف حوله :ورده:


Ęlroy :ورده:

اول شي خلوا حليمة بولند في حالها :ق: >> مشكلة الغيرة :22:


أبضيف على درر الاخوان والاخوات :ورده:

فيه نقطة يا اخت بقايا قلتيها في موضوعك

لكن انا الان مستحيل راح احكم ع كل شخص متصنع بأنه كذا وكذا وماالى ذلك
لأن لكل شخص ضروفه الخاصه
التي جعلته يسلك ذلك التصرف

حلو جميل جدآ :22:

فيه ناس مثل ما قلتي عاشت ظروف شكلت شخصياتهم الموش كويسة :22:
طيب يعني هذا الانسان ما يستحق بداية جديدة
ما يستحق يجرب ويختبر مشاعر جديدة ومشاعر مضادة جديدة

اذا قلنا لا , فهو بالتأكيد راح يقول الا :22:

الحين لو فرضنا انسان غلط في مجتمع ما , كيف راح يكون تعامله مع هالمجتمع وتعامل المجتمع معه , أكيد بناء على غلطته وفداحتها

لكن لو هالانسان فعلآ تاب ونادم على الي سواه بيروح يدور له مكان ثاني يبدا فيه مرة ثانية , نقول يتصنع , ولا نقول تطورت شخصيته ونضج تفكيره من خلال تجربة قاسية ؟؟

طيب نقطة ثانية ,
مسعود إنسان لسانه وصخ .. و كل كلامه لعن وسب ووصاخه .. :22:

اكيد ما صار كذا الا نتاج بيئة وتجربة معينة

طيب مسعود هذا لما يشوف انسان محترم وطيب , ما يفكر بينه وبين نفسه اش ذنبه هالطيب المحترم في الي صار لي وعشته وقاسيته ؟

شفنا وقرينا الكثير عن مجرمين حروب وسفاحين وناس أبعد ما يكونون عن الانسانية , كان لهم لمسات انسانية مع اشخاص او حتى حيوانات .

انا اشوف التصنع في حالة مسعود والي تشابه حالته هي مشاعر مكبوتة ما ساعدت الظروف على انها تظهر وتكون من طبع هالشخص .

او محاولة لاخذ اجازة من شخصيته الي حتى هو مو راضي عنها , عمومآ الشخصية الكاملة ضرب من الخيال :ورده:

آسف عالاطالة وشكرآ على اثراء الحوار :22:

[بقايا جرح الزمن]

أولا شرفتي عزيزتي/
ثانياً وربي احولت عيوني من لون الخط>>:واو:

موزوع صرآحه لـآ يعلـآ عليييه
يخليك ربي مرورك جعلهُ هكذا

للأسف مانقول شي اصبحت هالصفه غريزه بأغلبية مجتمعنا للأسف
الله يبعدنا عنها ويعزز الثقه بأنفسنا اكثر وأكثر:لولي:

تشكرآآت اخووي

:لولي:لاحرام كل هالشباصه وهالحياء وهالأنوثه [وأخوي]
يافديتك انا بنت


صرآحتن موزوع اعجبني حييل
يسلمك ربي يابعدي

كآن ودي اتفلسف وكذآ ~> راعيه فلسفه :ش:
يخليك ربي كفيتي ووفيتي يكفي مرورك

لـآتحرمنآ موآضيعك:ق:
من عيوني:ق:

[تؤبري تسبـدي]

هههههههه

اروح مرق انآ على بآلي ولد

زآد اول الاسلوب بنت وشلون ولد :ش:

بس يالله حصل خيير :هع:

لـآتسبيين لون الخط ترآ صوقيقي احببه :هع::ش:

[بقايا جرح الزمن]

>>أقتباس
فيه ناس مثل ما قلتي عاشت ظروف شكلت شخصياتهم الموش كويسة
طيب مع مرور الأيام الحياه معقوله ماعلمتهم كيف يسلكون مسلك كويس
مااتوقع الشخص عايش بمجتمع لحاله عشان مايعرف الصح من الغلط
>>اقتباس
طيب يعني هذا الانسان ما يستحق بداية جديدة
ما يستحق يجرب ويختبر مشاعر جديدة ومشاعر مضادة جديدة
اوك مانختلف بدايه جديده بشئ ايجابي مو شي يضر ع نفسها او ع الغير
حلو نجرب بس نستفيد من تجاربنا وقبل كل هذا نعرف قبل مانتخطى الشي الي نسلكه
عشان نبني انفسنا صح اذا احنا بغينا هالشي
>>اقتباس
الحين لو فرضنا انسان غلط في مجتمع ما , كيف راح يكون تعامله مع هالمجتمع وتعامل المجتمع معه , أكيد بناء على غلطته وفداحتها
لا احسب اول شي تعامله مع نفسه هل هو عارف غلطه ولا المجتمع نبهه ع الشي هذا
وبالعكس ليه نقف فقط ع حد المخطئ
جميل جداً ان نخطئ ونستفيد من خطئنا وقبل كل هذا نحس بالغلط من أنفسنا
والمجمتع مستحيل راح يعاقبني من اول خطأ>>حطه ببالك
>>اقتباس
لكن لو هالانسان فعلآ تاب ونادم على الي سواه بيروح يدور له مكان ثاني يبدا فيه مرة ثانية , نقول يتصنع , ولا نقول تطورت شخصيته ونضج تفكيره من خلال تجربة قاسية ؟؟
بالعكس شي جميل يروح مكان ثاني يبني فيها شي من صالحه هو ويطور من ذاته واحنا مانبغى الا مصلحة الشخص نفسه عشان مايهتك من شخصيته ولايضر بغيره

آسف عالاطالة وشكرآ على اثراء الحوار :22:
يخليك ربي بالعكس وش دعوى لك المتصفح بكبره:22:

[بقايا جرح الزمن]

هههههههه

اروح مرق انآ على بآلي ولد

زآد اول الاسلوب بنت وشلون ولد :ش:

بس يالله حصل خيير :هع:

هههههههههههههههههههههههه لا عادي:22:


لـآتسبيين لون الخط ترآ صوقيقي احببه :هع:
لا ولي يسلم عمرك وربي احوليت من قلب عاد انا خلقه عميانه:واو:

[رُ وْ حْ]

ماهو التصنع بنظرك؟

اممم ؛ ممكن نقول انه يكون بشخصيه ومن ورانا شخصيه ثانيه

*وهل مررت بأناس مثل ذلك؟
للاسسف كثير صارواا زي كذاا
خير الكلاام ماقل ودل !

يعطيك العاافيه :ورده:

[ᵐ ᶠ ᵅ ʰ ᵉ ᵅ ʰ]

التصنع له قسمين :خجول:

القسم الأول:
التصنع المطلوب:
اللي هو لازم يعني نغير من شخصيتنا عشان الأنسان اللي قدامنا :لولي:
مثل ماقال tm اذا كنت ابي وظيفه لازم اسوي اني ذربه عشان اتوظف يعني فرضاً لو اقول ان انا داجه وخبله
واطيح الميانه بسرعه هالشي لازم اغيره قدام مديرتي او معلمتي او الأشخاص اللي بيدهم يوظفوني ويعطوني شهادتي او باختصار بيحددون جزء من حياتي :ش:



القسم الثاني:
التصنع التصنع:
يعني مثلا تجيك بنت ضعيفه وشخصيتها مهزوزة وتسوي نفسها قويه وكذا وهي من جنبها :52:
بس اذا جاها موقف قوي تبدا تظهر على حقيقتها الخايسه :لولي:
وتشوفين من هالنوعيه كثييييييير وبأشكال والوان كثييره خاصه بالمدارس :واو:

فهمتي يمّي..؟ :22::ق:

بغيت اعطيك وجهة نظري :54::ق:

موضوع قمييييييييل قدًا :اح::ورده:

[Bdri 3lek]

طرحك خدزه :ق::ورده:

[{ .. S O E O N E]

\
\


قد يكون التصنع هنا فعلاً كما طرحت لنا انه عدم الثقه في النفس
لكن ايضاً هناك اناس قد تكون ثقتهم في نفسهم عاليه لأبعد حد
لكن قد ينبع منهم تصنع امور ليست متواجده بشخصيتهم
فيحاولون جعل هذا الامر جزء من شخصيتهم
كما ذكرت لنا انه ربما يتصنعون الاصوات والتغنج والامور التي يعتقدون انها ستكمل ماينقصهم
ولكن للأسف نجد انه يوم تلو يوم ما إن يظهر الشخص كما هو من قبل
لأنه لم يعتاد فعلاً على هذا الامر ولكن إنما هو تصنع لا اكثر
اليوم او غداً سوف يبدر منه أي تصرف يظهر حقيقته لأن الامر المتصنع لايدوم ابداً

\
\
\

وانا شخصياً قابلت عده من المتصنعين وما اكثرهم في مجتمعاتنا ..

0
0
0


طرح رائع ونقاش اكثر من رائع

:ورده:

[بقايا جرح الزمن]

AnOodah
يخليك ربي ع وجهة نظرك
وبالفعل كثير انتشر ويامالك ومال التصرف السلبي الي زي كذا
عافاك ربي

[بقايا جرح الزمن]

Mfaheah
عافاك ربي ع وجهة نظرك
اممم تقريبا وجهة نظري ردها يجميع الصفحات
وع قولتك التصنع مو له بس قسمين
اذا له كذا فأحنا بخير
له ابواب ينعدم حصرها

[بقايا جرح الزمن]

طرحك خدزه :ق::ورده:
امممممم يؤسفني اني مافهمت هالمصطلح:22:
ع العموم يخليك ربي ع مرورك
بس ياليت تشاركينا بوجهة نظرك

[بقايا جرح الزمن]

كلام جعلتيه بعين الأعتبار
>>أقتباس
اليوم او غداً سوف يبدر منه أي تصرف يظهر حقيقته لأن الامر المتصنع لايدوم ابداً
بالفعل
ان دام فأنه لا يدوم الا بنظره هو
لكن بنظر العالم كالغلاف المفتوح
شاكره لك وجهة نظرك
لاخلا ولاعدم