متى نصير زي البشر .. ؟!

[دواك عندي]

السلآم عليكم ورحمة الله وبركاته ..

ابغاكم تتخيلون معاي مدرسة كاملة من الطلاب الجائعS ( مدري هي الجائعين ولا الجائعون ) <- ياشين الاستظراف ض1

المهم تخيلوا انكم داخلين بكرتون من البسكويت اللذيذ على مدرسة مليئة بالطلاب الجائعين وانتم كان ودكم تتشاطرون هالكرتون من البسكويت مع زملائكم لكن تكتشفون انكم كل ماتجيبون كرتون واول ماتدخلون فيه للمدرسة تلاقون الطلاب يسرقون الكرتون ويتضاربون عليه ومن الاخير مايبقالكم اي قطعه تاكلونها وانتم كان ودكم تجلسون برواقة كذا تاكلون مع بعض ..

هالقصة تشبه مواضيعي اللي اكتبها كل ما اكتب مواضيع الاقي الاعضاء اخذوه وطاروا فيه وانا بصراحة ماحب اني اكتب اي رد بعد الصفحة الأولى لأني احسها غير مقروءة يمكن لأني دايم مافيني حيل اقرى كثير اظن الناس زيي ..

وعلى كل الأحوال في هالموضوع بأقول كل اللي عندي وباكتفي بالتفرج فيكم وانتم تتناولون البسكوت http://vb.eqla3.com/images/smilies/biggrin.gif


من فيكم قد سمع عن العزايم والافراح في الماضي ؟؟

انا باقول لكم على حسب معلوماتي وعلى حسب الامور اللي لحقتها ..


اذكر اني وانا صغير جدا حضرت احد الاعياد في جدة وكنت اذكر ان الكل قبل ذاك اليوم مشغوووووووووووول البيت كل ابوه مقلوب فوق تحت فلان يقول لفلان روح جيب الشي الفلاني من المكان الفلاني وفلان ماسك له شغلة وفلان يتدخل ويقول له خلني اخذها عنك روح انت سوي الشغلة الفلانية والبزران من عيال العمومة جالسين في الحوش يلعبون بالتراب ويبنون بيوت وقصور ويطلع ابوهم مستعجل يخاصمهم ويقول لهم لا تلعبون بالتراب ويكمل طريقة .. الكل مشغول الكل يعمل كيد واحدة ولديهم هدف واحد انهم يساعدون اصحاب الفرح انهم يفرحون سواء كان زواج او عزومة او عيد او مهما كان ..


بس تعالوا شوفوا الوضع اليومين هذي ..

ابناء العمومة تلاقي بنت عمهم بتتزوج وهم في وادي ثاني كويس لو حضروا الزواج ..
اهل الجماعه كل اللي عليهم انهم يجون يوم الزواج بعد الساعه 10 يسلمون ع الرجاجيل من طرف خشمهم ويجاملون بابتسامات تخفي رغبتهم في الخروج الفوري من الفرح ..
ماعاد فيه ذاك التكافل والترابط وروح المساعدة والفزعات ..


يقول لي جدي الله يرحمه ويغمد روحه الجنة ..

ان الزواجات كانت مختلطة اللهم كل وحدة لابسة شيلتها وبعضهن يتلثمن يقول لي والله اننا كنا توقف زوجة جارنا بجنبنا ومافي قلبنا ذرة من اي سواد تفكيري .. كنا نعتبر انفسنا اخوان واللي يشطح بتفكيره ماله قعده بيننا ..

لكن هاليومين للأسف الفرح للحريم وبس اما الرجال يجلسون في الكنب يتفرجون في بعض يتقهون وينتظرون العشاء ..
يفرون رؤوسهم عشان يفتكرون سالفة يفتحونها عشان يتناقشون فيها ويضيعون وقت الين مايجي العشاء ..

الحين ابسأل سؤال ..

افرض انك دخلت انت وعائلتك في مطعم او كافي مافيه بارتيشن ..
ودخلت وجلست في طاولة فجأة دخل عليك واحد من الجماعة وسلم عليك واهله سلموا على اهلك وجلسوا في الطاولة اللي بجنبك وفجأة دخلت عائلة ثالثة وجلست جنبكم .. وكل واحد فيكم جلس في طاولة بعد ما سلمتم على بعض وجاء العشاء وتعشيتم ولما خلصتم تجمعوا الرجال في طاولة والحريم جنبهم في طاولة وجلسوا يسولفون ويوسعون صدرهم وكل شي ..


طيب وش اللي يمنع من اننا نخلي الفرح زي المطعم اللي بدون بارتيشن .. كل واحد يجلس مع عائلته في طاولته ويتفرجون في الاستعراضات اللي تقام في الفرح ويبتهجون مع بعض ويسرحون ويمرحون ويكون الفرح فعلاً فرح .. يترقبه الكل بفارغ الصبر مو يعتبر هم عالقلب ماينزاح الا لما نطلع من الفرح ..


في كل المجتمعات .. سواء المجتمعات الغربية او العربية او الاسلامية او كل شي ..

لا وبعد نفس مجتمعاتنا بس في الماضي ..


الان للأسف حتى عيال وبنات العم تلاقيهم بالكود يعرفون اخبار بعض ..

لو دقت بنت الخالة او بنت العمة او بنت الجارة على البيت عيب وشقة جيب لو سألتها عن حالها وسألتها اذا كانت محتاجة شي او ناقصها شي ..

وش فيها القلوب صارت سوداء وصارت تشك بكل شي ..

الامور في مجتمعنا للأسف مدحدرة ..

كل يوم عن يوم تتعقد المسائل بينما تتفتح المسائل في الدول المجاورة والمجتمعات الاسلامية المجاورة ..

ليتنا نصفي قلوبنا ونرجع كلنا كالاخوان ونتعاون مع بعض في افراحنا واحزاننا ونعاون بعض ونحضر كلنا في مكان واحد قدام بعض ..


لكن والله ماضنيت بهالعقول الجديدة الغريبة اللي ماهي متمسكة بتراثها ولاهي تسوي الشي الصح واللي تسويه كل المجتمعات في كل مكان وزمان .. مادري من وين جات هالعادات الغريبة ..؟


الله يعين :وهـ:


http://songs1.6arab.com/rashed_waily(updated).ram



http://vb.eqla3.com/images/smilies/004.gif

[فرانك بن بيتر العنزي]

شك >>>>>>>>>> ض1

الشعب شكاك >> ض2


وهذي هي المشكلة >>>>

هو زين أن جلس معهم على الكورنيش ...

نسيت إن حنا يالقصمان ماعندنا كورنيش :12::12:

قصدي جلس معها بالحديقة وعيونه تلاقط ض2

تقل رادار هذا ورع وش عندهـ يوطوط عند أهلي :angry:

وإلا اللي عند الإشارهـ معه أهله . . .

تحصله . . . يقدم أول واحد أو أخر واحد

ياخي دامك منتب بواثق من أهلك لاتطلعهم :قافله معه:

ياحمار :قافله معه:

وبالنسبة لأنهم يروحون للعرس

يتفرجون على الفرح مع بعض >>>>> ض1ض2ض1

صار سرك الله يهديك
مو عرس . . . . ض2:33:ض2

بعدين الحرمة تبي تفل الشعر :وهـ:

وترقص بالمرقص ..... ض1ض1

وإلا بعد تبيها ترقص قدام الرجال :هع:

أقول انت شكلك شايف فلم

على mbc 2 عكست السير معه :تسديده:

أقول لايسمعونك شيبانا يغيبون شمسك :تسديد:

[آحآسيس منثوره]

السلام عليكم ورحمة الله وبركاته

:و1:

موضوعك ضرب على وتر حــــساس :قامط:
وفعـلاً كل اللي قلتهـ صاير ..

تدري مرهـ كنا بإستراحتنا المهم أستراحتنا فيها باب يروح لأستراحة عمتي بدون مانطلع برا بالشارع المهم كنا شلة بنات أخواتي وبنات عمي وقالت لنا وحده من البنات تعالو نروح نسلم على عمتي قلنا قدااااااام ض1
ولما رحنا جينا بندخل المجلس >> البنات كلهم دخلو إلا أنا وبنت عمي جالسه تكلمني قبل ماندخل والبنات كلهم سلمو وجلسو ولما جيت بدخل رجعت على طول كان عندها رجال :مضروب: طيب البنات جالسين بدون غطاء ؟؟؟؟ :مضروب:كيف؟؟؟؟؟ وأسحب بنت عمي قلت لها تعالي فيه رجال قالت وش رجاله يالخبله قلت وربي فيه رجال !!!! :مضروب:
تتوقع من طلع الرجال عمــــي :تسديد:
أمحق ترابط بهالعايله :1: عمرهم ماجابو لنا طاري أن عندنا عم الحمدلله كنها جريمه لاعرفنا :تسديده: والبنات لما دخلت عندهم نصهم توهم يدرون أن ذا الرجال عمنا :crazy:

لاهنـــــــــــــت ع الموضوع :ورده:

[» бαĿĿ 3мяч «]

موضوعك طويل :1: < شددخل اومتسّ

لي بـآتسّ :وه:

[.. мooе ]]

آقوول

الله يعيييين

[حلوه وشقية]

مضيع لي رجعه يادوب :1:

[اوركيـدآ,,]

مضيع ..\{ :ق:

كلامك فيه الصح :وهـ:
وفيه اللي مادري وش يبي :22:


يقول لي جدي الله يرحمه ويغمد روحه الجنة ..

الله يرحمهـ وينور له قبره :ق:

::

ان الزواجات كانت مختلطة اللهم كل وحدة لابسة شيلتها وبعضهن يتلثمن

^
^
مآتوقع عمره صآرت عندنآ والا بالاحلام :1:
اتوقع جدك الله يرحمه يقصد وقت الزفه..
بس انت فآهم غلط :12:

بعدين يآخي لا تقآرن بين اللحين وقبل
على قولت امي \\ يوم انآ كبرتس اذا شفت
رجل مآشيل عيوني من الارض :وهـ:

اما اللحين والله نفصفصهم :spiteful:
واذا مآعجبنآ التفتنآ .. امآ اذا جآزلنآ بتلنآ نتمقل <~ :هع:

اوووومآ تخيل عرس تسذا رجآال وحريم سوآ
العن اوم الفله :تسديده:

اذا سويتهآ بس اعزومني :12:

::

عوآفي ياخلفهم :وهـ:

[لورانس]

والله انك صادك بكل كلمه كلتها الحين القلوب سودا

الله يعين وش يبي يصير بعدين

[ملكة الهيصه]

بعض كلامك منطق بس بعضه قويييييييييييي وشو تبي اختلاط انته هههههههههههههههه شكلك بيعهااااااااااااا من قلب هههههههههه

[آحآسيس منثوره]

اوووومآ تخيل عرس تسذا رجآال وحريم سوآ
العن اوم الفله :تسديده:

اذا سويتهآ بس اعزومني :12:

::

^^^
:وه:

وش ناويهـ عليهـ :12:

[MissTahBelah]

مرة روعهـ موضوعكـ يامضيع :ق:

وعلى قولتك الزوجات اول صدق تحس انة زواج كلن يفزع معكـ وصجة ولجة ض1

اما الحين لا نتزين ونجي ونقعد على الكرسي ثمن نرقص ثمن نتعشى واحيانا بعد مانتعشى نطلع لبيتنا :22:

معاد فية ذيك الوناسة والفلة الي مثل قبل :قامط:

بصراحة ماصدقت انهم يجلسون مع بعض في زواجات منول الا لين سألت جدتي وقالت اية عادي بس مهوب كل الناس :12:

وبعد تقول عندك زواجات منول يدخل المعرس ويجن الحريم ويطبلن عندة ويرقصن ويوزع فلوس :لعانه: << اهم شي:blush2:

بعدين تكون عند العروس حرمة يسمونها الربعيهـ تنشب عند المعاريس لين يعطونها دراهم ثمن توكل وان ماعطوها فلوس لزقت عندهم :وه: << اشواانها مهيب في عصرنا والا علوم :22:

وبالنسبهـ لعيال العم والخال بالحيل تبيهم يسئلون الحين عساني اعرفهم لو اشوفة بالشارع ماعرفتهـ خبري بهم يومني صغيرة :مستحي:

مضيع لاهنت على الموضوع الفلهـ :ورده:

[محممدَ آلودعآإنيُ ღ]

الله يعينكـ مضيع

لاهنت على البسكوت:22:

[الدب الداشر]

قطع الرحم اقشر مهوب كويس يامضيع :22:

[فرانك بن بيتر العنزي]

معاد فية ذيك الوناسة والفلة الي مثل قبل :قامط:



وش عندها أكبر معمرهـ في التاريخ :هع:

[البحري]

والله موضووع في محله
الله يعطيك العافيه على الموضوووع
وعلى المجود
لا تعليييق